تصريح العم محمد الفايز ، درر وملجم للكل
الفايز : لن نستقيل الكلام مردود عليهم. احنا ادارة منتخبة، نطالب اعضاء الشرف والجماهير بدعم الكيان وليس الإدارة اللي يحب الكيان يدعم
اعضاء الشرف دعمو ( فتيحي دعم، منصور البلوي دعم ) وانت والجمجوم سفلتوا النادي هههه ، اذا تحب الكيان يا فايز ادعم لا تسلف.
الفايز: ابنائكم وأخوانكم اللاعبين بخير
طيب اش سالفة الشكاوي اللي على النادي والرواتب المتأخرة والشيكات اللي بدون رصيد؟؟
ليش بعض العاملين يتسلفون من اللاعبين؟
فهمني يا باااشا شلون بخير والأمور تمام؟؟
الفايز :الإدارة تحاول إبعاد اللاعبن عن الضغوط اللي جايه على الإدارة واليوم اثبتوا الكلام هذا.
طيب ياعم الريس توك تقول اللاعبين اجتمعوا وتعاهدوا (بين نفسهم) على الخروج بالفوز رغم الضغوط على الإدارة، سؤالي اللاعبين اتعاهدوا وابعدوا انفسهم عن الضغوط والإ الإدارة ابعدتهم واجتمعت معاهم، وبعدين الضغوط تقصد بها فشلكم او تأخير مستحقاتهم او المماطلة او وشو بالضبط؟؟
الفايز: اللي يستطيع إنه يدير الإدارة احسن مننا إداريا وماليا وفنيا الله يحليه ( قصده الله يحييه طبعا) اللي يستطيع يقنع جميع محبي الكيان انه يستطيع خدمة الكيان بمعنى خدمة الكيان الله يحييه.
والله الاقناع سهل لو اتبع طريقتكم يالفايز وكذب على الجماهير وعلى بن داخل واقنع الكل وفي الاخير تطلع تقيم من يستطيع ومن لا يستطيع وانت فاقد الأهليه.
الفايز: هي مو حكاية فلوس يقصد يشك الثلاثين مليون وانه الفلوس جت قبل كذا اكثر بعشرات الاضعاف وما كان فيه نتائج
صح الفلوس جت قبل كذا و ما حققنا اسيا مرتين ولا تأهلنا لكاس العالم للأندية ولا فزنا ببطولة الدوري ولا كنا ننافس على صدارة الدوري وكنا ننهزم من الفيصلي ونتعادل مع النهضة ونبيع لاعبين وهبطنا درجة اولى بسبب الديون.. هههه لا بصراحة مو حكاية فلوس انت صح
الفايز : منضومة شاملة حسن الإدارة طرف فيها.
حسن الإدارة يعني مثلا تسليم شيكات بدون رصيد، انسحاب فريق من مباراة، ذهاب فريق الطائرة بالقطة على حسابهم، الغاء بعض الالعاب في النادي، الغاء معسكرات بسبب عدم تجديد وتصحيح الاقامات. لا بصراحة حسن ادارة ولا أحلى ، ولا أكيد الفايز يقصد حسن الادارة في التعاقدات زي الشربيني وسوزا وبيانو والخضير ممكن ليش لا
الفايز : خفض المصاريف طرف في المنضومة
هههه لا بصراحة في هذا الطرف بالذات انتم مبدعين ، يعني ما جبتوا سوزا بخمسين مليون ولا الفريدي بخمسة وثلاثين مليون ولا الشربيني بأربعة ملايين يورو، ولا حطيتوا شرط جزائي كبير لكانيدا وبينات، ولا حاولتوا تتعاقدو مع محيي الدين ناظر ابن اخت الرئيس براتب شهري 56 الف بالاضافة الى المزايا الأخرى، وانت يالفايز ما سافرت مع الاتحاد لأسبانيا على حساب ادارة بن داخل وكلفة النادي مبلغ وقدره من سكن واعاشه ولا كان فيه تصريح من كانيدا بعمولات لمحتسب ولا فيه عمولات لقزاز... صح انت صح
الفايز: الخطة موجودة ينقصها فقط المال
هههههههههههه واضح انه فقط المال... احنا عندنا خطة بس ما فيه فلوووس طيب سؤال هل في الخطة حقتكم خطة صغيرة تجيبون فيها دعم مالي ؟ يعني اكيد ناس بذكائكم قدرتوا تخترعوا خطة جبارة فيها اطراف كثيرة قادرين على عمل خطة صغيييرة لجلب الدعم المالي للنادي...وإلا على قول الاخ شارك " اعرف اسوق بس ما عندي سيارة" ههههه
الفايز: سأجعل الاتحاد من افضل 50 نادي في العالم على خمس سنوات.
طيب فترتكم اربع سنوات يعني نفهما من بدري انه لا راح يصير افضل 50 نادي في العالم وإلا نطالب الاتحاد السعودي بتغيير نظام الانتخابات وتصير فترتك خمس سنوات؟
الفايز: اللاعبين الصغار يحتاجون إلى سنتين خبرة بس ويصير الاتحاد من افضل اندية العالم:
ما تنهضم.. ههههههههههه قويه...
الفايز: اسامه وكريري لا زالت عقودههم مستمرة مع الاتحاد ومالهم حق يتكلمون او راح يتعرضون لعقوبات داخلية.
طيب توك تقول ابنائنا وأخواننا بخير والحين تهددهم؟؟ واذا هم بخير ليش طالعين كل شوي، وين حسن الادارة طيب هههههههه وإلا هو كلام وبس
الفايز: زيارتنا للأمير نواف لعرض مبادرات معينة لخدمة جميع الأندية وليس فقط الاتحاد.
ههههههههه لا يكون تضبط معك يالفايز انت وجمجوم ويطبق الامير نواف مبادراتكم النيره وتنكبون جميع الاندية في السعودية ونسميه عام النكبة..
الفايز: انا جيت لنادي الاتحاد لدعم شباب المملكة
طيب نادي الربيع من اندية الوطن روح ادعم شباب المملكة من بوابة نادي الربيع مو هدفك الاساسي دعم شباب المملكة يالله خلنا نشوف..
الفايز : جسور التواصل متواجدة مع كل الأندية
اكيد احلى ثلاث جسور من وجهة نظري جسر الهلال الخماسي وجسر الفيصلي الثلاثي وجسر النهضة الرباعي... بس السؤال هل جسور التواصل من الخطة الجبارة للإدارة او من المبادرات المعينة اللي راح تعرضونها على أمير الشباب الأمير نواف؟
هذا رئيس نادي الاتحاد السعودي، مرعب اسيا ، ملك اسيا.... يالله من بعد رموز كانت تدير النادي اصبح النادي في يد هذا الرجل ومن معه من المنتفعين ومحبي الشهره....
