الحمدلله رب العالمين .. رسائل أتمنى تصل .. !

السلام عليكم و رحمة الله وبركاته

في البداية الحمد لله رب العالمين على كل حال وهارد لنا جميعاً المباراة ومبروك للأشقاء في النصر (اللي يجمعنا إسلام وسامح الله التعصب اللي ضيق النفوس ونفر القلوب، لازم نعرف لو أصاب أي نصراوي غير متعصب مكروه راح يتأثر الهلالي والعكس .. دعوة لنبذ التعصب لأنه والله شنج الشعب و ولد الكراهيه .. الإعلام تكفون أرحمونا) ..

ثانياً الهلال كان سيء جداً .. وأستحق النصر الفوز ..

ثالثاً والمهم .. أمور فنية لازم أتكلم عنها وهي :-

أول نقطة ..لو نرجع نشوف المباراة راح نشوف المحترف كاستيلو يلعب عالواقف لا يوجد حماس منه ويفتقد لـ أبرز مهام محور الارتكاز واللي هي قطع الكرات (الظاهر خايف من الإصابة عشان ماينحرم من كأس العالم مع منتخبه) ..

ثاني نقطة .. علامة إستفهام في حراسة المرمى (ما عنده ثقة في نفسه) ..

ثالثاُ .. معرفة أسباب إنخفاض مستوى نواف العابد ومعالجتها (يبدو لي بأن شارة القيادة شكلت ضغط عليه) ..

رابعاً .. سلمان الفرج أتمنى يلعب في مركزه وما ندمره أو نقلل من قيمته الفنية ونخسره ..

خامساً .. عبدالعزيز الدوسري لا نخسره أتوقع كانت مباراته بالأمس (دائماً يكون مبدع أمام النصر) ..

سادساً .. الخلل الموجود في الدفاع هو خلل مركب من المحور و قلوب الدفاع (مازلت متأكد بأن الكوري مكسب) ..

سابعاً .. أتمنى من كل قلبي إعطاء محمد القرني فرصة بدل كاستيلو .. السبيعي بدل السديري .. الفرج يلعب في مركزه الأساسي .. و المسلم إعطائه الثقة كما تعود لاعبي الهلال من جمهورهم لا نخذلهم ..

و أخيراً و أهم شيء وقبل كل شيء .. الحمدلله على كل حال في الرخاء والشدة في الفوز والخسارة .. خسرنا مباراة تمنينا نفوز لكن ما الله كتبها لنا .. والقادم بإذن الله أحلى .. وكل ثقة في الالتفاف ونسيان الخسارة والابداع بإذن الله ..


في حفظ الله ..