شلون اسامح

السلام عليكم
تعبانه حيل ودي احد يسمعني يمكن مشكلتي مالها حل بس تحملوني شوي
ماحس بسعاده و? راحه بحياتي لي 4 سنين شوي يتحسن الوضع شوي يصير اسوأ
ماحس بثقه بزوجي اتوقع منه كل شيء غلط خاني 4 مرات ويمكن اكثر وانا مادري حتى لو مو علاقه جديه بس يكفي تفكيره بغيري ودي اسامحه بس ماقدرت
اهملني حيل وماحسسني بحبه
أنا اشوف اساس السعاده الزوجيه ان كل طرف يشبع الثاني من كل النواحي وانا اهم ناحيه عندي العاطفيه واعاني جفاف عاطفي كبير
أنا ثقفت نفسي بالحياه الزوجيه قريت كتب تابعت دكاتره واخصائين سويت اشيا واجد على امل تنصلح حياتي بس ?زلت اعاني
غير عدم ثقتي فيه بسبب سوالفه أنا بعد ماحب اطباع واجد فيه
ماحسه يحترمني و? يثق بتفكيري تدرون أنا ماعرف كم راتبه وهو زوجي ابو عيالي لانه يحب يخش عني كل شيء ومايسمح لي اسأله للعلم أنا سالته مره وحده بس وعصب بالمقابل أنا ماخش شيء عنه من هالناحيه
دايم لما اقول بسوي شيء بشتري شيء يقعد يقول سألي احد قبل استشيري ?تصرفين من نفسك طيب أنا لي راي مابي احد يقرر عني او يشاركني قراراتي
الشي الثاني اللي اكررهه انه يشوف اهله يخشون عني يكذبون علي باشيا تافهه وهو ساكت وراضي أنا ماحب احط نفسي بمواجهه معاهم ومابي يكون بينا تتش بس يهمني بعد انه يحفظ لي احترامي قدامهم ومايفكرون مره ثانيه يقولون له اكذب عليها وخش عنها إذا عندهم شيء خل يخشونه عني وعنه المفروض أنا وياه واحد
اتمنى فهمتوا علي
غير هذا حابسني بالبيت ماطلع الا بالحسره والسفر ممنوع الكلام فيه مستكثر علي كل شيء بس يعطيني فلوس اشتري ملابس لي ولعيالي الحمدلله مايبخل بهالناحيه بس أنا مره على الاقل بالسنه بشتري لي شنطه ماركه ساعه غاليه استحيت وانا للحين البس ساعات عرسي ماغيرتهم وذهبي وخواتي هي نفسها ودي مره يجيب لي هديه سنعه يخليني اشتري لنفسي على الاقل مو معقول 4 سنين ومافرحني وفاجئني بشي
يمكن تقولون الحب مو ماديات بس لما اقول عبر لي قول لي كلام حب نفس ماقولك يرد يقول انه يحبني بس مايعرف يعبر يعني أنا مو محصله و? شيء يبين ان هالانسان يحبني او اعني له شيء اعتقد من حقي
انحرمت ?حس اني مره وعندي رجال يحبني يدلعني مايخلي شيء بخاطري مره رد على مسج بكلام حلو قعدت ابكي بنات بكيت على نفسي حيل لهالدرجه أنا محرومه ليش زين شناقصني شكيت لاختي قالت انتي مو ماليه عينه وماعرفتي تجيبين راسه طيب أنا مافيني قصور الحمدلله ?بانوثتي و? شكلي و? اسلوبي تعبت حيل. احس بضغط كبير بحياتي بالوقت اللي اكتشف خيانته اطلب الطلاق وافكر فيه جديا ولو حده مرت بنفس الشي بقولها ?تسامحين بس للاسف أنا اصدقه كل مره واطوف له أنا ضعيفه قدام عيالي وهم نقطه ضعفي مابيهم يعانون من طلاق امهم والشي الثاني اهلي مافي احد واقف معاي كلهم متزوجين ببيوتهم وامي مره كبيره وقاعده عندهم شلون اصير أنا عاله عليها واعور قلبها علي ماقدر
الطلاق ممكن يكون قرار بيرحني من هالزواج الفاشل بس أنا ماقدر اتخذه قبل كنت اقول عادي بتطلق واعيش لحالي بس الحين عرفت انه صعب حيل علي
شايله بقلبي حيل عليه وصلت لدرجه ادعي اقول يارب خذ حقي منه
حاليا هو متحسن شوي صار يصلي يوعدني انه بيحقق لي ابي ويقول انه مايفكر بغيري احيانا يكسر خاطرري عليه وعلى نفسي بعد ان مو قادرين نعيش بسعاده
بس هو خيب ظني بمواقف واجد كسرتني وماظن اقدر اسامح أنا كذا صعب انسى واسامح يقول لي انتي بعير تحقدين وماتنسين بس أنا ماقدر
يمكن تقولون أنا ابالغ بس اللي مرت بنفس ظروفي بتفهمني