معك يا هلال على الحلوه والمره والدوري توه باوله

سلام عليكم ورحمه الله وبركاته

اولا الحمد لله على كل حال وقدر الله وماشاء فعل

ثانيا // نتفق على ان الهلال اليوم ماكان بيومه ولا نحمل خطا على لاعب واحد جميع اللاعبين ماكانوا في يومهم او بالاصح مدرب النصر عرف كيف يقفل على الهلال

الحارس لك النصيب الاكبر في اللي حدث اليوم 7 اهداف تسجلت في مرمانا على كلام المحلل الشنيف كان جميعها بسبب خروج خاطئ

المسلم انت مدافع او صانع لعب للنصر الحارس بالهدف الاول كان منتظر منك الكوره تروح تعطيها السهلاوي المفروض تضرب الكوره على قدام مو على الطرف


اعتب على نواف العابد من تجديد عقده وهو مستواه في هبوط كبير

اتمنى من الجمهور ماننجر للحمله النصراويه اللي راح تصير ع الفريق في الاعلام المرئي او الورقي لانه وجدوا علينا فرصه

في برنامج طقطقه باليوتيوب كان المحلل خالد الشنيف يتكلم عن سامي وذكر نقطه تخصنا نحن ياجمهور

قال سامي عنده الاخطاء الكثير لكن لازم يصبروا عليه وتساندونه حتى لو اخطاء البكاء على الماء المسكوب لن يفيد مباراه وانتهت نحاول نفكر بالمباراه القادمه ولا نفرط باي نقطه في المباريات القادمه




جمهور الهلال اللي حظر قهري عليكم اكثر من قهري على هزيمه الهلال حرام يطلع هالجمهور زعلان