كريري لازم بسرعه ..ودفاع اجانب جدد .

اولا هاردلك عالهزيمه واللي كتبها الله على الفريق يعني مهما حاولت مايمكن تغير القدر .
لكن صراحه مستوى حراسة المرمى وخط الدفاع والمحور شيء يقهر ويرفع الظغط معقوله الى الآن ماعرفنا نعدل وضعهم وكأن ترتيبهم وتنظيمهم يحتاج معجزه قاهره من الجهاز الفني .
مع احترامي للكابتن سامي لكن المفروض استغل فترات التوقف المتكرره في الدوري علشان يصلح الخطوط الخلفيه وفي نفس الوقت يعطي الفرصه للحارس الخبير فايز السبيعي بعد مابخلت الاداره بتقديم عرض لحارس التعاون المميز فهد الثنيان المفروض يكون فيه تعديل جذري لطريقة لعب الدفاع والمحاور حتى لو استفادنا من الداهيه كوزمين لان الكل عارف ان اقوى فترة كان فيها دفاع الهلال مميز كانت بوجود العملاق الروماني كوزمين واعتقد انها ماهي عيب ولا حرام لو استشار سامي كوزمين في افضل طريقه لتعديل الاخطاء واللخبطه الدائمه في خط الدفاع .

المهم ياليت نهدي انفسنا ونخف من الضغط على الفريق ونواصل التشجيع والمسانده ولا نترك الفرصه للحاقدين علشان يهزون ثقتنا في الفريق وجهازه الفني .

كما اتمنى في فترة الانتقالات الشتويه سرعة التعاقد مع قائد المنتخب ومحور الاتحاد سعود كريري بدلا من كاستيلو وكذلك الغاء عقد المدافع الكوري المهزوز واحظار مدافعين عمالقه اجانب يعني نكتفي ببقاء هرماش ونيفز ونتعاقد مع مدافعين اجانب عليهم القيمه وحضور كريري اعتقد والعلم عند الله ان مشاكلنا الخلفيه بأذن الله تنتهي مع اعطاء الفرصه لفايز السبيعي .

في الاخير الهلال مازال منافس وبقوة للفوز بالدوري وماراح شيء والله يوفق الهلال .