بن فطيس .. اهداء لمحمد المري الفائز بشاعر المليون /اتمنى من الجميع الدخول

مانيب من ياتي ولا يدرابه *** شطر حفظته ماعرف كتابه
وانا اشهد...
راهنت على محمد بن فطيس المري في اول ظهور له
وماخاب ظني فيه خذ اللقب واباركله ويستاهل
ولايهونون زملائه الرائعين جدا ((خصوصا
زميلنا في غرابيل النجم القادم بقوه محمد مريبد العازمي ))
واهدي بن فطيس هذي الابيات
كتبتها بعد انتهاء البرنامج مباشره



مثل ماقلت اول وراهنت
شاعر المليون شايفه في جيبه

اليوم يابن فطيس برهنت
رهان(ن)نطقته وماصار خيبه

حضرت وكل(ن)درابك وزيّنت
راس الشعر من كل شيبه

نطقت وابدعت واذهلت واتقنت
طبيعي بديهي نجاح(ن)نصيبه

وقفت اصفلك يومك اعلنت
مليون جهدي لربي أثيبه

بذلته في عمل خير واحسنت
والكرم شيمت(ن)عندنا موغريبه

تزوجت القصيده وجابت بنت
واخذت البنت وياحظي نسيبه

واهني قلم انت به دوّنت
حبر(ن)من ذهب مميز مصيبه

حقيقه ابيّنها لشعره ادمنت
خرمان لابياته الجزلا الرهيبه

مثل خرمتهم لزقاير كنت
بالفسحه يشرح ذاك لحبـيـبه

والختام تقبل سلامي ولاهنت
من جزيرت(ن)نورها مكه وطيبه

ويالله ياللي بوحده آمنت
اجعل اعمالي كلها صويبه


وسلامتكم
نظمها /كاتب الحب
عبدالعزيز بن محمد

واتمنى من ادارة غرابيل الموقره
ان توصل هذه القصيده
الى الشاعر محمد بن فطيس المري
وانا واثق تمام الثقه انها ستصل له

يستاهل

ومشاعرك طيبة


وهو مبدع


لاهنتوا


تقبل ودي

[align=center]
كاتب الحب
http://www.sfsaleh.com/vb/attachment...0&d=1150313192
صح لسانك وقلبك

قصيدة رائعة

وابن فطيس شاعر بكل ماتحمله الكلمة من معنى

يستاهل الفوز ..

وكان ودي يكون محمد العازمي في أحد المراكز الأولى

لكن يكفي إن الناس كلها عرفته ..

تسلم يالغالي على قصيدتك الجميلة ,,

إن شاء الله بتوصل ..

وبإذن الله يكون ابن فطيس معنا في غرابيل
http://www.sfsaleh.com/vb/attachment...1&d=1150313192
[/align]

كاتب الحب

صح لسانك....ويستاهل....

وانت ياخرمان قصايده.....جميل منك هذا الإهداء

والله يديم المعروف ...لاهنت

صح الله لساااااااااااااانك اخوي كاتب الحب
ابدعت
وابن فطيس يستاهل اللقلب
وسوا له مسيره تليق بفرحتنا بفوزه
والباقين والله ما بهم قصور
والاخ محمد مريبد فعلا يستاهل
ولكن تجري الرياح بما لا تشتهي السفن
انا كنت اقول لو ما فاز ابن فطيس فالفوز لمحمد مريبد
ما شاااء الله عليه


عموما اعتبر القصيده وصلت ولا هنت

لا يعني فوز ابن فطيس باللقب انفراده بالتميز عن زملائه المشاركين معه

كونه شاعر هذا لا يختلف عليه اثنان لكن كوجهة نظر شخصية أرى أن محمد بن مريبد كان الأجدر
وان لم يكن هو فلا غنى عن ذهابها للميزاني او الشمري


لكن العامل والنظام الذي يسير عليه البرنامج والذي أنجح أناس أقل تميزا من غيرهم عمن تميزوا هو من عكس خط سير اللقب

أشكرك يا كاتب الحب

زيد بن عمير
صح بدنك ودام تواجدك الرائع

خــــــــــــــــالد
اشكرك على مرورك وفعلا بن مريبد في عالم الشهره الان ونتشرف بوجوده معنا في غرابيل
ونتمنى ان بن فطيس يكون زي ماقلت في قافلة الابداع غرابيل

النوري
فعلا انا خرمان لقصايده
ودام وجودك الراقي

زهرة الخزامـــــــــــــــــــ ـــــى
فعلا فوز بن فطيس يعتبر ايضا فز لمحمد وجميعهم فائزين وشعراء فطاحله


طارق الحميد كاتبنا المبدع بجريدة الرياض
اتفق مع بعض اجزاء كلامك
صحيح ان محمد مريبد خانه التصويت
لكن هذا لا يمنع جدارة بن فطيس
ايضا غيرك يقول تركي 2000 هو الاجدر
والمثل يقول
((لولا اختلاف الاذواق لابارت السلع )) طبعا قس على هذا المثل مغزى كلامي

واشكرك على مرورك التحفه يالغالي ولاعدمناك

كلهم شعراء ويستاهلووون

وابن مريبد يستاهل لاكن مانصفت اللجنه والموضوع محسوم

ووضحها حمد السعيد عندما قال انا موصى عليك ولا المريبد ويوسف

لهم الاولويه ومثل ماقال يوسف (( توافيق وحظوظ الرياجيل تلعب دور ))

اخوي سعد
لا الومك بالدفاع عن بن مريبد
للانه يستاهل انه ينافس على المراكز الثلاث الاولى
اما يوسف العتيبي مع احترامي له لا يستحق ان يكون مع الخمسه الاوائل
لك عبير ودي

كاتب الحب..

صح لسانك..

اقتباس:

---

المشاركة الأصلية كتبت بواسطة حــنــيــن

كاتب الحب..

صح لسانك..

---

صح بدنك
ودام وجودك الجميل

صح لسانك وامامك مستقبل رائع باذن الله لكن اتمنى تزيد من قرائاتك واطلاعك على كتب تعليم الاوزان والقوافي وان تضيف على قصايدك مستقبلا كلمات جديده وذلك يكون من خلال تزويد مخزونك الثقافي من هذه المفردات..

كل هذا مع التوظيف الجيد باذن الله يثمر عن مشروع شاعر اكثر من مبدع؟

كاتب الحب

صح السانك يالقرم ولاهنت

بصراحه ابياتك جميله ( بس فيها بعض الثقل ^__^ )

لكن روووعه ويستاهلها ابن فطيس

وراح توصله ان شاء الله ^__^

ابن فطيس شعره جزل جزل بمعنى الكلمه

( ابن مريبد العازمي ) كان هو المركز الثاني من خلال ترشيح اللجنه له وتركي 2000 المركز الثاالث مكرر

هذا اللي سمعناه وتابعناه من خلال تصويت اللجنه ..وتصويت الجمهور برى هو اللي رفع تركي الين وصل المركز الثاني

المهم جابها واحد من اعيال الخليج اللي نفتخر فيه واثبت ان الشعر الجزل هو اللي يفرض نفسه

والله يوفق الجميع

تحيتي لك / مشاعر حالمه

اقتباس:

---

المشاركة الأصلية كتبت بواسطة متذوق الجزل

صح لسانك وامامك مستقبل رائع باذن الله لكن اتمنى تزيد من قرائاتك واطلاعك على كتب تعليم الاوزان والقوافي وان تضيف على قصايدك مستقبلا كلمات جديده وذلك يكون من خلال تزويد مخزونك الثقافي من هذه المفردات..

كل هذا مع التوظيف الجيد باذن الله يثمر عن مشروع شاعر اكثر من مبدع؟

---

نصائح اعتز بها
ووضعناها بعين الاعتبار
اشكرك