تشيز كيك بالصور

بسم الله الرحمن الرحيم

بما اني عايشة برا وفاضية ف كل يوم اسوي كيكة لووول

اليوم بوريكم وصفة تشيز كيك مطبوخ بالفرن

اول شي القاعدة

بسكوت دايجستيف 18 حبة تقريبا مطحون خلطت معاه نص صبع زبدة ذايبة وحطيته بقالب الجيز كيك بس رفعته لي فوق مثل ما انتوا شايفين بالصورة وحطيته يوم كامل بالثلاجة مثل ما تشوفون ماشاء الله متماسك وحلو
تقدرون تحطونه ساعه مو شرط يوم كامل

حق طبقة التشيز او الطبقة الوسطية
بالخلاط:
3 بيضات
3/4 كوب شكر
قفشة صغيرة ملح
بشر ليمون ( قشر الليمون تقشرونه بالبشاره )
ملعقة صغيرة فانيليا
( حطوا الشكر فوقه البيضه الاولى خلطوا بعدين البيضة الثانية وهكذا..)

بطاسة ثانية او وعاء اخر ( اذا عندكم مضرب كهربائي استعملوه )
600 قرام جبن كريمي (استعملت فيلاديلفيا تقريبا قوطيين ونص )
250 قرام كريمة قابلة للخفق اللي لونها احمر مالت كي دي دي (قوطي واحد كامل)
واحد ملعقة كبيرة نشا corn flour اذا ماعندكم حطوا بداله طحين بس النشا افضل لان يعطي ارتفاع للخليط لما ينحط بالفرن
خلطوهم بالمضرب الكهربائي وصبوا عليهم خليط البيض والشكر

بعدين
صبيته بقالب التشيز كيك

الحين الخطوة المهمة
لفوا قالب التشيز كيك بقصدير
حطوه ب بايركس او صحن اكبر منه
حطو بالباريكس ماي مغلي الى ان يصل الى نص ارتفاع قالب التشيز كيك

حطوه بالفرن على درجة حرارة 170 سيليزي لمدة ساعة
ملاحظة: شغلوا الفرن قبل البدء بتجهيز الكيكة ب 10 دقايق عالاقل

الصور المرفقة http://www.q8yat.com/images/attach/jpg.gif image.jpg‏ (13.0 كيلوبايت)