مشكلتي مع امي !

السسلام عليكمم :eh_s(8):

هذي اول مشاركه لي بالمنتدى مالي غير الله وغيركم ..

حبايبي بقولكم موضوع بس اللي يبي يسب او يقول كلام يجرح ياريت مايرد على الموضوع لان اللي فيني مكفيني وربي :eh_s(2)::eh_s(2):

سالفتي مع امي .. ياجماعه تكلم شباب وتخون ابوووي ومحد يعرف بهالموضوع غيري اناا :eh_s(2): وتكلمهم ماتقولهم عمرها بالصج وماتقولهم اسمها او شي عنها لالا تكلمهم على انها انا .. بشخصيتي انا :eh_s(2): وانا والله ماعندي خوات وماعندي غير امي بهالدنيا اللي اقرب لي من روحي ليشش تسوي فيني جذي والمششكله انا مخطووبه وعلى ويه زوااج شنو بيكون وضعي بعدين لو احد درى باللي تسويه امي ! شنو بتكون سمعة العايله ! والله مره طاح بيدي تلفونها وشفت محادثات الحب والغرام انصصصدمت وسمعتها تكلمهم ! ياجماعه شي يعوور القلب لما ايي لها افضفض اشوفها تصكر الباب بويهي تقولي بسولف بالتلفون :eh_s(16):زيين وبنتج مالها اهميه:eh_s(2): هذا وانا وحيدتها وبنتها ومالي غيرها :eh_s(2): ماقدر اقول حق احد لان ماعندي ولا دليل هذا اول شي وثاني شي تقدر بكل سهووله تنكرر لان لو كلموها بتقول والله بنتي اللي تكلم لان الشباب يعرفون اسمي انا .. يعني مثلا عمري 21 تروح تقولهم والله عمري 21 ماتبين لهم انها كبيره وانها ام وعندها عيال ! قالولي اهتمي فيها والله اهتميت فيها واداريها بسس كل شوي تكسسر قلبي باللي تسسويه حسسيت ودي الارض تنشق وتبلعني ولا انحط بهالموقف !:eh_s(11):


الله يخليكم بنات ساعدوني عطووني حل .. تخيلو بنات اخر شي فكررت فيه آني آروح دكتوره نفسيه بس احس صعب وربي:eh_s(11):