مسلسل مكسيكي باللهجه السعوديه..
مرااااحب بطعم التووووت
<< يسوي دعاية حق فيمتو
والله قلت من زمااان ماسيرنا على المنسمين قلت يله خلنا نسير عليهم ونفلها معاهم
اليوم حبيت اعرض لكم حلقة من مسلسل (( نينتا في حراج بن قاسم ))
تابعوا المسلسل وشوفوا وجه الشبه مع العنوان
تررررررررن تررررررررن .. صوت الجرس يرن
والدة نينيتا: نينيتا أقحصي وأفتحي الباب يابنيتي
نينيتا : حسنا حسنا ياأمي أصبري شوي البس نعالي
من الطارق : فتحت الباب أستراخان وش عندك جاي وش تبي
فيني .
مو من حقي اسلم على حبيبة قلبي نينيتا ولا ماتبيني
اسلم
نينيتا(طرااااااااخ كف على وجهه) جاي تسلم علي بعد
ماشفتك مع ذيك السربوته ضف وجهك ولاعاد تقبل علينا
طلع استراخان وهو حزين ومتنكد وهو في الطريق سوى حادث
والسبه نينيتا
وبعد برهه<<<<<<<< ابووووك يابرهه ..ترررررررن تررررررررررررن صوت التلفون مثل
صوت الجرس
الخادمه:منزل رابين كارلوس من معي ؟؟
الو انا الدكتور اوكيستو هل لي ان اتحدث من نينيتا؟
الخادمه : نينيتاااااااا نينيتااااااا
نينيتا : نعم يا مال الوجعه
الخادمه : هذا بابا دكتور في تلفون
نينيتا:الو من انت وش عندك بعد
اوكيستو:انا الدكتور اوكيستو وبصراحه مدري وش اقولك بس
استراخان تعرض لحادث مروري وهاهو الحين عندنا مرقّد
بالمستشفى
نينيتا :آآآآآآآآه ياإلهي هل انت محق فيما تقول .....ذبت السماعه
واغما عليها
والدتها: آآآآآآه الحقوووووني يالربع بنتي راحت مني
المهم صحت نينيتا
نينيتا:امي هيا بنا الى المستشفى لقد سوى استراخان حادثا
وهو في حاله خطيره
الام : حسنا حسنا طيب هيا بنا لنخرج بس دقيقه بغير ملابسي
نينيتا:حتى انا بغير ملابسي بس يلا بسرعه
وفي المستشفى :
عند الرسبشن (الاستقبال )
نينتا : من فضلك ابي غرفه استراخان ماكسيما
الرسبشن : روحي لاخر غرفه في الحوش
حسنا شكرا لك ..هيا يامي قومي بسرعه
وعند باب الغرفه :
نينيتا : يمه اخاف ادخل عليه القاه مكسر
والدتها :امشي بس يابنيتي سمي وتوكلي على الله
والمفاجأه الكبرى عندما دخلت......... .وجدت عشيقـته
لورانسا بجانبه
نينيتا : بعد بعد هذا اللي ناقص وصلت فيك المواصيل انك
تناديها عندك ولا وين بالمستشفى بعد الشرهه ميب عليك ولا
عليها الشرهه على الخبله اللي تعبت نفسها عشان تزورك
استراخان : لورانسا هيا اخرجي انا لا احبكي نينيتا حبي
الوحيد هيا اخرجي
لورانسا : حسنا سأخرج ولكن بوريكم شغلكم مضبوط بس اصبر
علي انت وذا الشويكيه ههههههه<معصبه وطلعت
استراخان : تعالي بقربي حبيبتي تعالي هـنـيـا
قربت نينيتا وعيونها تصبصب دموعها أربع أربع قام استراخان ومسحها لها
وقال لاداعي لها ابتسمي
نينيتا: استراخان لماذا دعوتها عندك بالصحيه ؟؟؟؟ ألست انا
من احببت اذن اتركها تكفى ودعنا نتزوج
استراخان : تامرين امر اصلا مدري وش جابها عندي(ابوك
يالترقيع) خلاص ياروحي بكره بطلع من المستشفى ونتزوج
اوكي ؟
نينيتا : اوكي حبيبي
وقربوا روسهم من بعض
فاااااااااااااااااااااصل
من كل مناسبة يافيمتوا هنوك المهنئيين
http://www.9m.com/upload/15-03-2007/0.267011739534.jpg
:biggrin: :biggrin: :biggrin: :biggrin: :biggrin:
مع تحيات شركة العوجااان
نتابع معكم المسلسل المكسيكي المدبلج
(لماذا ياحبيبي لماذا)
جا بكره ورجعوا للبيت وطق استراخان عليهم الباب ودخل
وكلم الام
استراخان :عمه انا جاي اخطب بنتك نينيتا وابيها على شرع الله
والدتها : ياوليدي هذي والله الساعه المباركه بس خلني اشاورها ..هاه
يانينيتا يابنيتي نقول مبروك
حمرّت خدود نينيتا وقالت اللي تشوفينه يمه وقامت
والدتها :طيب قبل ماتروحين خذي رقم الطقاقات من جارتنا أم سعود
الي على اليسار : عشان نسوي عرس وطقطقه وننبسط ولاتنسين تتصلين
على الصبابات بعد
استراخان : اخيرا ياروحي تزوجنا ماني مصدق
نينيتا : الله ياستراخان هذا اسعد يوم في حياتي
استراخان : طيب ياحبي وش بنسمي ولدنا؟
نينيتا :طبعا بسميه رابين على اسم ابوي
استراخان:اجل بيسموني ابو رابين الله ونااااااسه
نينيتا:طيب حبيبي وين بنسافر شهر العسل له ؟؟
استراخان :والله انا ودي اسافر للرياض بالسعوديه يقولون جوها مافيه
ازين منه غير انها منتجع سياحي هاه وش قلتي نحجز من
الحين؟
نينيتا : اللي تشوفه ياروحي وين ماتروح خذني معك
وفي المطار.......
تعلن الخطوط المكسيكيه عن انطلاق رحلتها رقم 656والمتوجهه
الى مدينه الرياض عن اقلاعها بعد عشر دقائق فعلا
المسافرين التوجه لركوب الطائره وشكرا
نينيتا: يالله يامي نشوفك على خير ان شالله اول مااوصل
ادق عليك لايضيق صدرك امووووووووه بااي
استراخان: يالله ياعمه توصينا بشي نشوفتس على خير ياوجه
الخير
الوالده : هاه عاد ياوليدي يااستراخان مااوصيك على نينيتا
ترا ماعندي غيرها حطها بعيونك ويالله توصلون بالسلامه
استراخان : نينيتا بعيوني ياعمه مع السلامه
مشت نينيتا للطياره ولا حظوا انها لابسه تنوره فوق
ركبتها وبلوزه مزلطه ولاجابت معها عبايه وعلى بالها انها
مسافره لامريكا مثلا
يوم وصلوا لمطار الملك خالد نزلت نينيتا على نياتها
وطلعوا من المطار وراحوا يتمشون طبعا اول مانزلوا من
التكسي جت الهيئه ومسكت نينيتا على ملابسها اللي لابستها
وقطوها بالسجن ( تستاهل)
استراخان : يصيح لااااااااااااااااا نينيتا ونينيتا
نينيتا :لاااااااااااا استراخان .استراخان
المسكين استراخان قاعد يتكلم مع اللي بالسجن شوي ويحب رجله وذاك
يقوله ضف وجهك انا ما اعرف عنقليزي عشان ارطن مكسيكي توكل على
الله
مل استراخان من كثر مايحاول يطلعها ومع الاسف مافيه
فايده رجع لديرته الي ما يستحي وراح وتزوج لورانسا حتى مادرت
امها انه رجع والحريمه مسيكينه ماتدري عن شي
والمسكينه نينيتا خاست أخنزت سنه بالسجن وبعدها طلعها واحد على
كفالته وسفرها لديرتها بعد ماراحت لامها وقالت لها
السالفه راحت لاستراخان ولقته متزوج من لورانسا النذل
قامت من العوابه و ذبحت استراخان و لورانسا وفي الاخير ذبحت نفسها
وبكذا خلص المسلسل
:11umbup: :11umbup: :11umbup:
