تجربتي في علاج مشاكل بشرتي .. قطيت فلوس الدنيا و اخر شي العلاج طلع ابلاش
طول عمري بشرتي زينه ما عانيت من مشاكل حتي في سن المراهقه الحمدالله ما طلعلي حب شباب.. دخلت عمر العشرينات و بديت اعتني فيها زياده و شريت كريمات للبشره الجافه لان طبيعتها جافه بشرتي
و يمكن 5 سنوات وانا علي هل حال كل ما شريت كريم اقولهم ابي للبشره الجافه ... من 3 سنين تقريبا بدت بشرتي تنفر و يطلعلي حب شباب و كل ما راح شي طلع شي ثاني .. قلت يمكن من الليزر سبب لي هالشي لاني بديت اشيل ليزر ويهي .. و قفت ليزر
ماكو فايده .. رحت دكتور عطاني علاج صارت بشرتي احسن... و ردت اختربت! شسالفه؟ :bbbiu: انا انظف ويهي عدل بعد المكياج و ما احط مكياج كل يوم ... حتى كريم الاساس الفاونديشن غيرته قلت يمكن اهو السبب ما بقى شي ما سويته شسالفه؟ :eh_s(10):
المهم يوم من الايام كنت في المطار برجع الكويت من اجازه.. رحت كاونتر التجميل و المكياج بشتري مرطب خلص اللي عندي.. جان تقولي المره ( جافه؟ بس انا ما اشوف ان بشرتج جافه انتي دهنيه بشرتج ) قتلها المشاكل اللي صارت وياي و قالت هذا السبب :eh_s(9):
طول المده استخدم كريمات للبشره الجافه.. لكن البشره تتغير مع الجو الهرمونات الحمل و الولاده الخ و الحين بشرتي صارت دهنيه و احطلها كريمات ثقيله ملوت البشره الجافه مسكينه بشرتي :eh_s(16):
الحمدالله الحين استخدم المناسب لبشرتي و بين فتره و فتره اتاكد ان اللي قاعده اسويه صح اهم شي انظفها عدل يوميا و احط مرطب و (واقي الشمس لكن للامانه ما احط كل يوم :eh_s(22):
اتمنى تستفيدون من تجربتي :eh_s(7):
