ماعاد باقـي فـي الدقايـق ثوانـي
وماعاد باقي في العمر كثر مافات
لاصار نوم العين غاب و عصانـي
وبيني وبينك تتسـع بـي متاهـات
انـا احتريتـك ليـه قلبـك جفانـي
والقصة اكبر من مراجـع ملفـات
وين الوعود وويـن ذيـك الأمانـي
طالـت خطاوينـا وزادت مسافـات
ان جيتني عاني انـا جيـت عانـي
مـدام قلبـي تايـه فيـك حـزات
وان كان ربي فـي فراقـك بلانـي
يالله عساها خيرتـن كـل الاوقـات
وان كان قلبي عن صدودك نهانـي
نذرن علي لاقصيه لو حن لحظـات
حيل الله اقـوى دام هالعمـر فانـي
لا بد اصبر دام في الصبر منجـات
سافر وأنـا ماعـاد عنـدي موانـي
مات الخفوق ولا بقالـي محطـات
