شعري لمنهم يدركون المشاعر
[poem=font="Simplified Arabic,7,black,bold,normal" bkcolor="coral" bkimage="" border="double,4,gray" type=2 line=0 align=center use=ex num="0,black"]
اذا قرأ شعـري ليـا جبتـه اثنيـن=
افضل من انه ينتحـر بـا الدفاتـر =
يقراه مـن عنـده للابـداع تثميـن=
اخير من يقـرآه شخصـن مكابـر =
والله يلو ردوا على شعـري الفيـن=
وقالوا ترى نبضـك للالبـاب آسـر =
دون اقتناع وفهم ما حركـن شيـن=
الحمـد لله مانـي عبـد المضاهـر =
اردى البشر من له مع الناس وجهين=
وجهن يهللي بـك والاخـر خناجـر =
ان كان شعري عندك انتي مهو زين=
يفرق عن الشعر الحديث المعاصـر =
ولا يقـارن فـي قصيـد الجديديـن=
تقدمي يـا بنـت مـا فيـك قاصـر =
ابي منك يـا الغاليـه بـس بيتيـن=
قدام كل النـاس حاضـر بحاضـر =
من اجبرك يا بنت الاجـواد تقريـن=
شعري لمنهـم يدركـون المشاعـر =
انا قصيدي جـرح الايـام والبيـن=
من خلقتي مفطور ياخـوك شاعـر =
اكتب بتفعيله وشعبـي مـن سنيـن=
وبا الاجنبي لي شعر ماهـو بكافـر =
من عائله شعـار خمسـه وبنتيـن=
وامي تحفظ الشعـر والكـل خابر=
ولا ابيع شعري لو عطوني ملاييـن=
ولا استعير القـاف فـوق المنابـر =
من ارسلك مقهور وانتـي تعرفيـن=
ان المظاهر ماهـي مثـل المخابـر =
الداب عندي خير من عقرب الطيـن=
هذي خفيـه لكـن الـداب ضاهـر =
من ياكل بلحم البشر يجهـل الديـن=
الغانم اللي ما جـرح يـوم خاطـر =[/poem]
