تجمع ((عنايه)) للحوامل

السلام عليكم بنات شلونكم عساكم بخير ، ان شاء الله في بنات موجودين بالمنتدي وما انقرضتو من طلع الانستقرام طيح سوق المنتديات 😝.
بنات حبيت اسوي تجمع للحوامل يكون يومي كل وحده تكتب شلون تهتم بروحها وشلون مقسمه ايام الاهتمام بنفسها بدون لا تشد علي نفسها بما انه حوامل ومحتاجين راحه واسترخاء، طبعا اغلبنا من حملنا طلعت لنا عده مشاكل
اولها:
قل اهتمامنا بانفسنا بسبه هالوحام
الويه صاير ذبلاااان واسمر
الرقبه صارت سمرررااا
الاباط اسمر
المنطقه الحساسه
الظهر
الجسم عموما صاير فيه شحوووب وتحسين روحج جنه شافطين منج كل الفيتامينات اسم الله علينا
الشعر بعد ماله اهتمام صاير اللهم شامبو وبلسم واذا كثرنا حطينا ماسك مره بلشهر
البطن والخواصر مع بدايه الشهور الاولي محتاج ترطيب ولي مارطبت اكيد بين فيها خطوط الحمل



اللي ابيه الحين نسوي لنا جدول اهتمام يكون سهل وسلسل ويومي ومافيه تعقيد وتكون اغلب العنايه تسوينها قبل النوم تاخذين شور محترم بجم سنفره عندج علي جم ماسك وتكونين قبلها داهنه جسمج بزيت جليسرين ولا لوز عقب الخلطه الصابونيه وسنفره وطلعي تنشفي وهاتي الاسكينول وقطن مربعه الكبار بالجمعيه وحطي علي رقبتج وجسمج واباطج المنطقه الحساسه وكل مكان تحسين لونه اسود ومحتاج اهتمام عقب الاسكينول حطي لوشن جلوسليد وللمنطقه الحساسه كريم لونا وايد حلو للتشققات وينعم المنطقه تحسينها بيبي وفرش بنات عندي حجي وااايد اكتبه وتوني من يومين شاريه اغراض من الجمعيه وبوتس وابي ادعم الموضوع بصور بس قبل لا اكمل قرقتي بالموضوع ابي تشجيع وابي بنات معاي يدشون
اللي معاي بالموضوع تقولي انا معاج عشان اتحمس واكتب شنو بسوي
اهتمامي حق اليوم تارسه جسمي زيت جليسرين وعصير ليمونه وسكر مطحون دهنت في جسمي وعينت لي حنه مع لومي وليمون وبعد ساعه بحطها
ادري كلامي ملخبط بس متحمسه اسوي حمله خاصه للحوامل وايد احسن