احبتي غرابيل صبحكم الله بالخير جميع ومساكم
اذكرووو الله
وصلو على النبي
الله الله
[poem=font="Arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العلم نور ولا يجي ف الطواغيت = الله حرمهم منه وسط انعزاله
يالله ياربي لك الحمد لابليت = والأمر جعله خير منك وسهاله
اليا بغيت الشعر منه تنقيت = جزل البيوت اللي تسمي جلاله
وان جرو الشعار ألاصوات جريت =صوتي مع أهل الشعر (وحد) ولحاله
وان قامت الدعوى هجيني تجليت = تهيجن (ن) ماهو تهيجن هباله
ماني بخبلً لو تراني تخبليت =أ حيان تجد ان التخيبل جزززاله
لاكن ماهما أخلص ومهما تفانيت = من يزرع اب صبخى خسر راس ماله
وعزالله اني حسب ماشفت وأريت =ان اكبر اسباب الفساد البطاله
الله يقول الاعبده ستتر لبليت =بس العرب فيها تخلف جهاله
جعل علينا للفرايض مواقيت =وحنا برجا ربي وعفوه وأماله
وان شفت مخطي قلت يارب ياليت = اكون انا أول سبب في عتداله
أدخل معه في بادي الأمر تنكيت = واضحكه في ابدايت أمر الرساله
واليا قبلني ياسلام ستمريت = أعامله بلطق صنوف النباله
أشرح وبين له من الحس ماوتيت = وابدا بحمد اللي كمل في جماله
واثني على الله وشكره حامي البيت=واستغفره واتوب له في جلاله
وان عانني ربي على الجرح داويت=من عانه الرحمن فى الطيب فاله
واليا تحدث صاحبي له تلقيت =وأنصت بدب له واحتراماً قباله
فن الحوار ان تحترم راي ماوحيت= واليا تحدث ما تقاطع مقاله
اقل شي انك لرايك اليا ابديت =تلفت نظر عينه وتشغل لباله
ومن الله التوفيق لن كان ماخطيت =ون كان مخطي من بليس وضلاله
ون شد خصمي في كلامه ترخويت = واليا ارتخى شديت حبل المحاله
وان غنو اهل الشعر بالشعر غنيت =وانا ماني سالي ولاني بداله
جملت مع كل البشر طيب واوفيت =وطحت ابمحابيل الشرك والنذاله
لاكن ماهما أخلص ومهما تفانيت = من يزرع بصبخى خسر راس ماله
وان رحت انا ماني بخسران وان جيت = كسبان علم الطيب في كل قاله
والجيب خبط والشبح ينقص الزيت =ويبغالنا موتر جديد بداله
تكفون يالأجواد من يخبر ونيت =اربـــــــع ميه جديد شد الوكاله
ماخالفته أيدين بعض السرابيت = ماركبه الا شيخ قرم وطاله
ماجنط ونزل وفحط يبلفيت = ولا دوجوبه شلت اردى حثاله
مصيون عن قوم القذل والتوليت = أهل الخنافس والردى والرذاله
اللي يحكون اللحى حك بجليت = بالموس ثم أكرامها فالزباله
كرمت ياوجه الله اللي تعليت = وتكرم ملائكته وتكرم دلاله
وتكرم وجيه الطيبين العناتيت = عداد ما هل القمر في هلاله
وشلت تخاويني ولالله لديت = مافكرو فالمرجله والرجاله
ينقصهم التوجيه أساس (ن) من البيت = ذولا عيال اللي مهمل عياله
والدو على الدنيا على غير توقيت = مامنهم اللي فيه سد النفاله
زمرة حبيبي قوم أحبك وحبيت = حبك برص يبطي صعيب الأزاله
خويا خسرت وخبت وأهب وهبيت = مايسعرون الوزن ربع البياله
مامنهم اللي لا نضرته تهقويت = انه لكسب الطيب يقدر يناله
ومامنهم اللي يعرف ارحب وحييت = ومامنهم اللي مثل ابوه وخواااله
أنا الذي سميتهم قوم دجيت = مامنهم اللي كاملاتً خصاله
الناس مهما عطيت ماتقول وفيت=وكلٍ على ماقيل يحفظ حلاله
ياكثر من شمت المقفين موحيت =والطيب اللي فى القفا يندعاله
والمرجله ماهي بخذني لك وجيت = تصعب على الرديان في كل حاله
والنعم لقروم الرجال الصناتيت = اهل الكرم والدين واهل الجماله
يردونها قوم(ن) بهم لا تعزويت = يقفون معك بكل طاله وقاله
أهل الوجيه البيض شفهم لاصليت = فالصف الاول بس واللي يلاله
وان كان ما بالشعر برهنت لي صيت =يبلغ صدى ذكره على الاستحاله
زليت عن نظم القصايد وهفيت = هفت رشا مقيط ومحالة حباله
وان كان لضيفان ناري ماشبيت = لابارك الله فالسحاب وخياله
وان كان مالصكات بقعى تصديت = أقدم لربعي سليم أستقاله
مادامني من سليم ماضن زليت = أعرق نسب وعز وطهر سلاله
وانا على دروب الرجاله تربيت=على طبوع ابوي حافض رياله
والله مازليت عنها وغريت =بالطبع طبعه والخصايل خصاله
وطبوع ابويه منها ماتبريت =ابسط طبوعه فخر لكبر عياله
(وعلى النبي صلى المصلي وصليت) = صلى الله وسلم عليه وعلى أله [/poem]
وسلامتكم
