مشكلتي مع التشنج المهبلي ..

السلام عليكم والرحمه


كيفكوون بنات ؟ :eh_s(17):

بنات انا عروس وراح اكمل قريب 3 شهوور .. وللحيني بنت ..
كل مايقرب مني زوجي مااقدر اخليه يكمل
وانا صارلي على هاذا الوضع من اول يوم العرس

صارت بيننا مشآكل صغيره وللحين نحن فمشاكل بسبب هاذا الشي
حاولت اكثر من مره وسلمته نفسي بس سبحان الله الموضوع مايتم

جربت مزلقات وكريمات ورحت عند الدكتوره وعطتني حبوب ترخي العضلات
وحبوب تخدير يستخدمونها فالعمليات لكن كل المحاولات ماوراها غير الفشل

نفسيتي ونفسيته زيروو بالحضيض
و زوجي الحمدالله متفهم الوضع ويشفق علي
بالاخير توصلنا لحل عند الدكتوره وقالت انا بسويلج عملية فض الغشاء وبعدها بترتاحين ان شاء الله

زوجي وافق لككن احس من ورا قلبه لان يحس ان الشي هاذا فيه اهانه لرجولته
يمكن صحيح بس انا ودي افتك من الموضوع واسعده

وودي احمل واييب يهال :eh_s(2)::eh_s(2):
وماودي زوجي يحس بالنقص ولا يشل هم

انا قلتله اذا الشي هاذا بيزعلك ويضايقك مابسويه قال سويه توكلي
كل اللي افكر فيه ابا حل سريع لان حياتي قامت تخترب تدريجيا ..

بنات كيف اقدر اخلي زوجي مايشل هم ؟ والعمليه كلها ربع ساعه
مابيه يحزن بس اعرف اذا قعدنا على هالوضع ماراح يتغير شي !!!