دهن خطيير ومن الجمعيه بعد !!!

السلام عليكم بنات حبايبي


هذا اول موضوع لي بهالمنتدى الحلو واتمنى القى مشاركات وماراح اقصر باستفساراتكم


اول شي انا وحده مابقى شي ماجربته حق شعري دهن كوكنت ... باراشوت .. املا .. دهن الحواي ... جلسات صبار وهم ماكو فايده يطيح شعري من بعد الصبغات اعوذ بالله منها

المهم انا ذاك اليوم كنت بالجمعيه عند رف الزيوت قلت يالله خنجرب شباقي ماجربت

جان اشوف فاتيكا منزلين دهن لونه برتقالي و عباره عن زيت السمسم وزيت الصبار وزيت جوز الهند

حطيته على شعري والله تقولين الصحة والعافيه مادري من وين طبت عليه :eh_s(1)::gr4uu:


بس احب انوه ان لاتغرقين شعرج بالدهن حطي بس على قمة راسج والاطراف لان كثرة الدهن يطيح الشعر ولا بغيتي تغسلينه بس غسلي مره وحده او مرتين بالكثير وبعدها حطي سيرم عشان تحمين شعرج

ونصييييييحه احسن سيروم مو مال الجمعيات .. احسن واحد وبجداره مال


Jhon Freida

ينباع بمركز سلطان علبته زرقه وانا كنت شاريته من ميونيخ ودبي ومالقيته بالكويت الا بمركز سلطان

ويارب اكون افدت الكل :eh_s(17)::eh_s(21):