عزيزي الشيخ ابراهيم البلوي: أمير يعزّني ولا مواطن يذلّني

السلام عليكم ورحمة الله وبركاته

اتمى يا عمداء تكونوا في تمام الصحة والعافية

مع ان ما ظنتي في احد بتجيه هالصحة والعافية بعد اذن الله ثم مستوى الاتحاد المخيب للآمال

اصبح الاتحاد فريق ضعيف الى درجة ان المباراة مع النهضة انقلبت كلاسيكو .. 4-4 ؟!!!

مع غرق الاتحاد في الديون وبدل البحث عن حلول تفيق النادي من نومه العميق .. بل كالمريض حينما يتألم يخدرونه بإبرة حتى ينسى الألم مؤقتاً

والاتحاد من جرف الى دحديرة وحالته في تدهور .. والكرة يتقاذفها أعضاء الشرف بينهم وكل شخص يقول " تعال انت سدد الديون كاملة " بدل ما يقولون " تعالوا نحط ايدينا في بعض نسدد الديون "

شاهدت للتو لقاء عيد الجهني والآخر احمد فتيحي مع بتال القوس

لقاء " عار " أقل ما يقال عنه ! عيد صاحب الباص اللي للحين يتصنع في المانيا طوال اللقاء " نريد فكر ومال لا بد من الفكر والمال " ولما يسأله القوس كم دفعت ؟ " ............ "

والكلام ينطبق على الآخر بياع الكلام احمد فتيحي الملياردير اللي من عهد إدارة بن داخل وهو يقول ورونا الفواتير وحنا ندفع واذا وروه ( فقع )

إبراهيم البلوي يقول " أبي رئاسة النادي عندي 10 مليون و 10 مليون من الفتيحي " بالله هذا مهر رئاسة ؟

نطالب بمرشح " أمير " حالنا حال بقية الأندية اللي لا من طفّر راح يغرف فلوس من الدولة ، لا نريد أشكال فتيحي وعيد وغيره يتسلم إدارة الاتحاد

كل ما جانا مواطن يبغى يرأس النادي يلعب فيه وينهب ويعفس الأمور بكبرها ويمشي ! لا ما نبي ، نبي رئيس له كلمة ولا من انظلم فريقه قال " هاه " بقية اللجان في الاتحاد السعودي يقول " سم "

ايش الفرق بيننا وبين الهلال
ايش الفرق بيننا وبين النصر
ايش الفرق بيننا وبين الاهلي

مع الاسف " المواطن الاتحادي " غير صالح انه يمسك نادي مثل الاتحاد خصوصاً في دوري مثل الدوري السعودي مافي خصخصة وأعضاء شرف يرشّون على النادي فلوس كل ما احتاج !

اتمنى يتم صرف النظر عن ابراهيم البلوي وأي مرشح عموماً في حال ما جاب شيك مصدق من البنك بقيمة 52 مليون يتعهد امام الجميع بتسديد الديون كاملة

أمير يدفع ويضبط النادي أفضل من مواطن يحط لك 100 ألف كأنه جاب كأس العالم فيها ، مير حتى 5 الآف زين اذا طلعت من جيوب اعضاء الشرف هذي الايام ..