السنة اللى فاتت بعد ما رجعت أجازة للمحروسه ( اللى هى مصر ) بارك الله فيها 00
والنساوين جيرانا كل واحده وقفت علي شباكها وأستلمونى قر هههههههه ( قال يعنى ) :
ياختى الواد إيطاليانو إبن الحاج محمد ربنا كرمه ورجع من أمريكا 00لسه واصل إمبارح شايل ومحمل
: لأ يا ختى أمريكا مين دا انا سمعت إنه كان في البرازيل راح يجيب بُن من هناك ولعب شوية مع رونالدو
: رونالدو إيه وبن إيه يا وليه يا هبلة منك ليها هايروح البرازيل علشان يجيب بن00ما كان يجيبه من عند عم سالم البقال
دا هو كان في المانيا اللى هى بعد دوران شبرا علي طول بعد الترعه علي إيدك الشمال
: ترعه إيه اللى في المانيا يا وليه يا هبلة أنتى هي المانيا فيها ترعه
( خدولكم أسبوعين بقي قر ونميمة علي العبد لله واللى يشوف كده يقول إنى عملت اللى ما يتعملش )
..و كانت النتيجة الحتمية للقر والنميمة هو إنى أترميت في السرير عيان وطالع عينى وبينى وبينكم كنت
بين الحيا و الموت هههههههههه ( مش قوى يعنى ) بس كان جسمي مولع من الحمى ودرجه حرارتى 40 ونص
كنت امد ايدي و هيا بترتعش و أشاور علي الكمبيوتر وأقول الكومب 00 الكومب ( الكمبيوتر يعني )
وأمى تطبطب عليا و تقوللي ..سلامتك يا بنى ..بتخترف من الحمى يا عيني
تكُب إيه بس يا حبيبي ده الكومبيوتر بتاعك ..لا حول ولا قوة إلا بالله
وأبويا يصرخ و هو ماسك دموعه بالعافية..يا جماعة شوفوا حل ..الواد هايضيع مننا حد يشوف دكتور بسرعه
قام نط الواد سيد سلوع جارنا اللي في كلية الطب يعدل النضارة على طرف مناخيره ولقيته بيقول :
ما أنا دكتور ( لاحقآ ) يا عمى وبصراحه كده أنا شاكك انها حالة انفلونزا طيور ميه في الميه
الواد سمير ( فاكرينه طبعآ ) بتاع الكراتيه ربنا ينتقم منه هههههههههه
راح باصص لي وقالى : أنفلونزا الطيور ههههههههههه 00 أنت كده هاتبيض بقي يا عمو إيطاليانو هههههههه
بس ما تنساش يا عمو تحجزلي بيضه بصفارين هههههههه ( ظريف البعيد )00
( وأنتوا بتضحكوا علي إيه أنتوا كمان )
و انا أصرخ فيه 00 تع..تس..أد.. .. بد .. وم..عج..تا..مك
يعني تعرف تسكت ياد بدل ما أقوم أعجنك أنت وأمك
الواد حامد أخو سمير يشد الواد سمير من قدامى ويقول لأبويا .. إنتوا أكلتوا فراخ قريب يا عمي
أصل أنا شايف إيطاليانو اليومين دول ( مريش ) وبيحب يسمع أغنية ( كوكو واوا ) كتير
أبويا قالوا يا بنى من ساعة العيد و إحنا بناكل في لحمة الخروف اللى كنا دبحناه
الواد سيد سلوع قرب من أبويا و حط ايده على كتفه وقاله : أنا عايزك تفكر كويس يا عمي قبل ماتجاوبني
الخروف اللي انتوا دبحتوه ده يا عمي 00 متأكد إنه كان بي ماء ماء
أبويا يرد عليه بإستغراب ( يماء ماء ) 00 أيوة يا بنى كان بي ماء ماء 00 ليه ؟
سيد سلوع : يعنى متأكد يا عمى إنه ما كانش بيكاكي
أبويا : بيكاكي ؟...لا ..دانا كده إطمنت على مستقبل الطب في البلد..إمشي يالاه ..إمشي روح العب بعيد.. يلا إمشي
سيد سلوع : الحق عليا يعني كنت عايز أوفرلكم أجرة الدكتور
أبويا :إمشي يالاه بأقولك بدل ما أهبدك بأى حاجه في وشك
المهم يا جماعة خلصت الموقعة دي على إن أخوكم اللى هو أنا - إتنقلت المستشفى
ولسؤ حظى اللى هو زى الزفت لقيت مين هناك جاي ياخد تدريب عملي 00 هاه عرفتوه 00 أكيد عرفتوه
الواد سيد سلوع ( حسبي الله ونعم الوكيل فيه ) أول ما شافنى قال يا نهار اسود
وراح حاتط الكمامه علي مناخيره 00وضارب أنبوبة الأكسجين علي بقه00..
خلي مجموعه الطلبه اللى معاه اللى جري واللى صوتت واللى لبس الكمامه
ربنا يسامحك يا بعيد ( أفتكرونى عندى سارس ههههههههههه )00
الحمد لله الموضوع خلص علي خير وخفيت وطلعت من المستشفي علشان اقرفكم هنا في المنتدى
ههههههههههههههه
