عاجل جدا : اللي يبغى إجازة مرضية ترضيه وتطيب خاطره يجي لعيادة النادي الاهلي الطبية

السلام عليكم ورحمة الله وبركاته

اللي تعبان ومحتاج اجازة مرضية تشرع له الغياب عن الدوام قد مايبغى يحضر لعيادة النادي الاهلي الطبية اللي تمنح أيام إضافية لمرتاديها .

سبب عدم ثقة الجماهير هو ( العيادة الطبية )

اللي فيها دكتور متخصص ولا يشتغل في مستوصف الحارة ولا قاعد يصرف اللعيبة ولا ايش هرجتو بالضبط ؟

وليد باخشوين أصيب بتاريخ 4 ذي الحجة واليوم احنا التاريخ 4 محرم يعني مر شهر واصابته تستدعي فترة علاج مدتها 16 يوم يعني باقي 14 يوم هل منحها له الجهاز الطبي كمكافئة ؟

برونو سيزار إصابته كانت تستدعي علاج مدة 3 ايام وقال الاستاذ محمد الحارثي انه حيشارك في التدريبات بعد مباراة الشعلة ب 3 أيام فقط .

طيب مباراة الاهلي والشعلة كانت قبل 14 يوم والاعب يحتاج 4 ايام للعلاج باقي 10 أيام هل تم منحها له كمكافئة ؟

يونس محمود اصابته كانت تستدعي الغياب لمدة يومين ويحضر الاعب للتدريبات يوم الثلاثاء يعني مشارك بتدريبين ليش غاب هل تم إعطائه عطلة ؟

هذا غير ياسر الفهمي اللي غايب من 16 شهر وفيكتور سيموس اللي غاب 7 اشهر وغيرهم وغيرهم

ياخي والله حرام عليكم
انا زمان ماكنت اهتم للتشكيلة لاني كنت اعرف مافي غيابات لكن الان اي لاعب يسقط نحط ايادينا على قلوبنا ونقول الله يستر الله يستر الله يستر