-
عيب% عيب% عيب% خيل للبيع
اغنام - ابل - دواجن - طيور
بسم الله الرحمن الرحيم
يا اخوان اللي يتابع هذه الساحه يرى العجب العجاب
خيل ما يقل سعره عن 20000 الف ريال ينط واحد ويقول 7 وعلى طول واحد ثاني يقول 7100 واذا وصلت 20000 الف وهي اقل من حقها بصراحه يجي واحد آخر ما في وجهه مزعه من الحياء ويقول اللي ساموا بما معناه كذابين وانت كذاب وانا ابو الشهامه والقلب الحنون ابي انفعك واسوم بعشره طيب لو فرضنا انه ماهو صامل واللي قبله واللي قبله كلهم
بذمتطم هذا ما تكرر كثير امام اعينكم ووصلت بعض المشادات الى حافة السفاهه وانا متاكد ان فيه ناس خرجو الى غير رجعه وبعضهم باع خارج المنتدى بسعر اقل نتيجة لهذه التصرفات المشينه اللي تقهر المتفرج ناهيك عن المعني بالامر
ارجوا من الاخوان احترام السوق والمتدولون فيه ومن المسؤل عن القسم التدخل الايجابي ووضع حد لهاذه التصرفات واقل ما فيها حذف هذه المشاركات السيئه واهم شي يبقى موضوعي في نفس القسم هذا لكي يقراه المعنيون ويكون علمنا بينا ولا نسئ لاهل الخيل اهل الرجوله والشهامه والاحترام واللياقه
وانلا نفسد على الناس مصالحهم ونبتعد عن الحسد والطمع وتسفيه احلام الاخرين (وفي السماء رزقكم وما توعدون) كلن ما ياخذ الا رزقه وريال حلال اخير من مليون حرام ما فيه بركه
udf% odg ggfdu
