[poem=font="Simplified Arabic,6,black,normal,normal" bkcolor="coral" bkimage="backgrounds/40.gif" border="double,9,green" type=2 line=0 align=center use=ex num="0,black"]
..... ( فــاتـنـْة العـقـيـــق ) .....
الهنوف اللي سكنت حي العقيق =هزت الطايف وعاثت بالبريه
جادل ٍ تخضع لها قمة طويــــق= وتبكي منها كل عين ٍ عنجهيه
لا مشت يزهر بها وجه الطريق = ولا اوقفت قال الثرى ظلي عليه
ولا حكت أيووووه يالفكر العميق = ولا اسكتت لبيـــه يا ابلغ منطقيه
فكري اكتب لي صدى صرخة عشيق =وانثر اعجاز الحروف الابجديه
دامني محبوبها واقرب صديق = وهي تمثل كل نبض الارض ليه
غن حلاوتها على اللحن الرقيق =واكشف المستور والنيه مطيه
واوصف اللقيا وتخير يارفيق = اللي في جدة او اللي ف الحويه .
وادري انك لأول ملاقى شفيق = جده ... النظره الدمار الأوليه
شفتها وتمْتمْت بإحساس الغريق: = ياترى هالصوره هاذي واقعيه
حسنها الطاغي اخو الموت الشقيق =واللي مومصدق يتابعني شويه
مبسمٍ يجلي متاهة كل ضيق= ثلج نابع من جمر والنار حيه
وريقها مضرب مثل ماهو بــ ريق = طاح سوقك يالعسل ويا الخليه
لو درى عنه النحل خلى الرحيق = وجمع اسرابه على فم البنيه !!!
وعينها: مجرم بقى حر وطليق = وفي سهامه عنفوانك يالمنيه
رمشها لحاله مشكل له فريق = مهدف بقلبي من الطعنات ميه
وصدرها : رمان يانع له بريق = مالي ٍ عيني قبل يملى يديه !!
حلو شوفه بالزفير وبالشهيق = لاغدن هاك الثمر حمر ونديه !!
وردفها: رمل ٍ طغى بوادي سحيق= نابي ٍ ماقد خلق بالكون زيه
هو يطيق اللمس ولا مايطيق =علميني يالكفوف المستحيّه !!
لا نظرته جت شياطيني تويق = وغير اقرأ آية الكرسي عليه
الوكاد اني بها اشعلت الحريق= وعودها ذاب ابيدي هالمزهريه
وجيت ابهدي قلبها اجمل مايليق = حرف يشطب حرف قيس العامريه
وش بوصف من جديد ومن عتيق = ثامن السبع العجايب آ ه هيّه !! .
كل صوت ٍ غيرها صراخ وزعيق = خص لاقالت لي : (هيا) بـ دلعنيه
ارتفع للغيم.. وبالمعنى الدقيق =والله اخرج عن نطاق الجاذبيه !!
حبها ياهو بحر .. ياهو مضيق = فيني ومني .. كذا .. مني وفيه !!
ان سكرت بحبها جعلي مافيق =هالغزال النــــــافره الاريحــــيه!!
بيننا حبل الـــوفا جدا وثيق=لاعصا جلاد و لادمعة ضحـــــــيه
لو تغيب شوي مو بس استضيق = إلا يهديني الحـــــــــزن قلبه هديه !!
وشفني ماشي يمها الله لا يعيق = والوعد قلب الديار الطايفيه !!
اختصارا" حبها فعلا" عريق =من عراقة اصلها هالادمـــــيه!!
بس فيها عيب فاتنْة العقيــــق : =اسمها ( تقوى ) وهي ماهي تقيه !!!
........................... عــــــــــــوده= نـــــــــــزال ..................[/poem]
