شعر تربع في خِدر جوفي أنا ي شاغفي لك جوف !!

ابطرق أبواب الحكي وابكسر سيوف الظروف
لو شح صبرك ياقلم ماشح فكري ياسُلاف

وابطلق آهات الصدر عل وعسى عينك تشوف
عطشى ميابيس العروق,ظمياء من اسباب الجفاف

تعال ابسولف معك نفسي على خبرك عيوف
تعال ترجم محتوى قاموس فيه الفين قاف

وابقدع لك حروف الشعر واسكبها بليا خوف
تعال وجوّد ايديني ابنسى كل شيٍ طاف

تربع في خدر جوفي.أنا ي شاغفي لك جوف
وخذ عيني غطاها لك واخذ جفني عليها لحاف

وبحطب لك من ضلوعي دفا غير الدفاء المألوف
وبعبث في نصوص الشعر وانثرها بكل انصاف

وبخطف من وجع روحك وأنا قلبي معك مخطوف
وبصرخ ياجروح الوقت طال الظلم والاجحاف

واضمك بين ضلعيني واغطي شوقي المكشوف
وسط ليلن نسى فجري مثل طفلن بظلما خاف

وبحكي لك حكاوي عشق وأنا ياصاحبي ملهوف
تعال ولايهمونك , أحبك ماعليها خلاف

أحبك ما عليها خلاف
أحبك ما عليها خلاف
أحبك ما عليها خلاف

مع أمنياتي أن ترقى لذائقتكم