نجود والقوقل والحب في مضارب بني عبس ..!!
[align=center] اليوم .. صحيت الصبح .. :icon_frow
اتذكرت إني حلمت حلم .. :يمه:
خير إن شاءالله .. :11_ike:
حلمت ياوجوه الخير ( من غير شر ) بطلّوا آر ..
كنت أشوفني أدوّر في ( القوقل ) .. جبت العيد .. :icon_bigg
عن أجمل قصة حب غير معروفه .. :huglove:
ماأشوف إلا ذلك الفارس اللي يركض بحصانه .. :11ight:
ومعاه وحده يتطاير شعرها الأسود ويسافر في كل الدنيا .. :11_daisy:
ووراهم شله من المحاربين القدامى ..
وصوت الطلقات يهز شاشة الكمبيوتر ..
كأنا في ربوع تكساس .. صوب هيوستن ..
طاخ طيخ طاخ طاخ طاخ طاخ .. :gun_rifle
وتطيح الحرمه ( المرأه ) وتكتب اسم حبيبها على رمل الطريق .. :11rob:
ويشرد الفارس .. :مدري:
وهو يصارخ روحي روحي يامعبود ..
الصراحه قلت وش سالفتهم هذولا .. :icon_frow
دخلت من الشاشه .. ومعايه شاش .. وميكروكروم وسكين .. وعطر ..
المهم كنت دختوره في الحلم .. :icon_smil
وأصب عطر على موضع الطلقات ..
وأشق بالسكين ..
والأخت تصارخ .. وأظن تحتضر ..
قالت أرجوج لاتعالجيني أبغي أموت ..
قلت لها واش دعوى ياحافظ .. خليك معانا ..
بعرفج على صديقاتي .. وبنكزر في السوق ..
وبنوديج لبنان ..
قالت أجل عالجيني .. لاخلا ولاعدم ..
ستات يقاومن الموت في سبيل التسوق .. :biggrin:
المهم طلعت الرصاص وخطت الجروح وسقيتها حليب بالزعفران ..
وأشوف البنت راحت في نومه عميقه ..
المهم .. سهرت اعدّ نجوم السماء ..
وأحدّث القمر ..
واسأله شو السالفه .. :36_9_1[1]
قالي شوفي يانجود نصيحتي لج إنج ترجعين للنوم ..
لأني أشوف قبيلتها جايين زرافات زرافات بيذبحونها .. :زعلان:
قلت ليش ..
قال اللي يحب في هالزمن مفقود مفقود مفقود .. :11unce:
الفارس إللي شرد مثّل عليها الحب لأنه أبوها شيخ القبيله ..
وكان يطمع في حلالها من بوش وغنم ..
وأهلها ماوافقوا عليه ..
لكنها ركبت راسها وتزوجته مسيار .. :36_1_10[1
ولما عرفوا اهلها ..
شرد بها .. وأحينه شرد عنها ..
قلت له والحب ..
قالي حب إيه اللي إنت جاي تقول عليه ..
إنت فاهم قبله معنى الحب إيه .. أيوه ياست .. :11retcher
قلت له ماأصدق يالقمر ..
مستحيل .. مستحيل ..!
ويشق صوتي فضاء الباديه ..
وأشوف الفارس راجع .. على حمار .. حصانه مات ..
وأطالع فيه ولكن بسرعه غضّيت البصر ..
وإش حبت فيه هذه المهبوله ..
قالي كيفك ؟ قلت له كيفك إنت ؟ مالاّ إنت !
قالي بخير يابعدي دامج بخير ..
وقعد يسولف .. ولاصد صوب حبيبته ..
والقمر يغامز لي من فوق يقولي شفتي .. :tongue:
قلت له يافلان ترى حبيبتك بخير ..
وانا رايحه ..
قال أرجوج لاتروحي ..
أنا حبيتك .. :اموه:
قلت والخيبه أمداك ..؟!
قال سابق عصري ..
قلت له ..
إذا ماتت يصير خير ..
وأشوفه رايح بيخنقها ..
وافوق من النوم ..
وأنا أصرخ لا .. لا .. لا .. :11sure:
المهم ..
أربع أي أجري على الجهاز ..
وأبحث عنهما ..
لقيت هو مات بصاعقه ..
وأشوفها هي متزوجه ولد عمها ..
وحواليها أولاد وبنات ..!
ولابسه كندوره وثوب تلي لونهم أخضر على أحمر ..
ومتحنيه قصة العين ..
وحنا العين حطه في الروايب ..
شاورت لها ..
قالت .. مرحبا ..
إمتى فيني أروح لبنان ..
قلت لها ع الصيفيه إذا ماجدّ علينا جديد من ربنا ..
بس بدون هالبزران ..
قالت أبشري من عيوني التنتين ..
وسلمي على أهل مضاربكم .. فرداً فرداً ..
ولوّحت لها .. :11ap:
وطلعت من القوقل ..!! :003:
مايستفاد من القصه ..
لاتطلعي من شور أهلج نار أهلج أرحم من حبيب مثل هذا ..
المسيار إهدار لحقوق المرأه ..
القوقل يجعلنا في قلب الحدث ..[/align]
