مابين عدد الجمهور الحقيقي والمزيف

السلام عليكم ورحمة الله وبركاته
ابارك لكم الفوز يامعشر الزعماء
انا مستغرب من ادارة الملعب الفساد الواضح من عدم ذكر عدد الجمهور الحاضر الحقيقي والمحاوله من التقليل
شفنا بمبارتنا مع الأتحاد الملعب كان شبه ممتلئ خصوصا مدرجات الهلال الفراغات كانت تحت الساعه بمدرج الأتحاد ومع هذا حاطين ان الحضور الجماهير 31 الف ؟؟ كيف تجي 31 الف والملعب سعته 70 الف اذا افترضنا ان ثلاثة ارباع الملعب ممتلئ فأن العدد راح يكون تقريبا 50 الف للأسف تلاعب وفساد واضح
مباراتنا مع الشباب كانت الواجهه غالبيتها متتلئه ماعدا بعض الجوانب الي ماتوصل الف كرسي والواجهه تقريبا تسع 28الف متفرج من غير مكان رابطة الجمهور الهلالي والشبابي والمنصه الرأيسيه وذكروا ان عدد الجمهور 17 الف طيب وين راحو الباقين
وانا ملاحظ انه مو بس مباريات الهلال مباراة النصر مع نجران نفس الشي كانت الواجهه شبه ممتلئه وذكروا عدد اقل
فيه احد يتلاعب بعدد الحضور
اتمنى من الأمير عبد الرحمن بن مساعد يرسل خطاب لهيئة دوري المحترفين او الأتحاد السعودي او مكافحة الفساد يحققون بالموضوع السالفه زادة عن حدها
واراح تذكرون كلامي مبارتنا مع النصر راح يتعبى الملعب 70 الف متفرج وراح يذكرون ان العدد 50 الف
اتمنى من الأداره ماتسكت عن حقنا انا ماراح اتهم احد بسرقه او شي لكن ان الجماهير يحضرون والعدد الصحيح ماينذكر هذي ماينسكت عنها
واتمنى المره الجايه موبايلي اذا بيطبعون التذاكر يبيعونها من خلال منافذهم الخاصه فيهم ومن خلال النادي فقط ولا تباع من الملعب عشان نضمن حقنا وعشان تكون الأداره عارفه كم تذكره انباعت ومعرفة العدد الحقيقي للحضور


وبالنهايه اتمنى التوفيق للملكي قدام نجران والنصر واتمنى من سامي انه يكون اخذ درس من الرائد