قد كده رخصتوا الاتحاد يا كبار القوم ... للي بس يهمه امر اتحادنا

السلام عليكم ورحمة الله وبركاته يا جمهور الذهب

سؤال الى اعضاء الشرف والى الاداراة

الى هذه الدرجه اصبح الاتحاد رخيص عندنا ؟؟
يا اعضاء الشرف يامن كنتم تتسابقون على شاشات التلفزيون بتصريحاتكم وبربراتكم وتحليلاتكم ... الى هذه الدرجه اصبح الاتحاد رخيص عندكم وما يسوى شي ؟؟

يا شيخ عبد المحسن بارك الله فيك وما احد ينكر دعمك السابق للنادي ...... يس ليش دعمت النادي سابقا ؟؟ وليش رفعت يدك عنه الان ؟؟ وليش جالس تتفرج والاتحاد ينحر من الوريد الى الوريد ؟؟؟ فهمني ......... كنت اتحادي سابقا والان انت ليس باتحادي ؟؟ لو عندك ظروف ماديه نفهم وما راح نضغط عليك بس اقل شيء حسس البشر بوجودك ولو معنويا .. ولو باجتماع لم الشمل .. ولو حتى بتصريح اعلامي تنصح فيه الادارة .. ولو حتى مليون ماراح نقلك غير شكرا .... بس حسسنا بوجودك .. الى هذه الدرجه صار الاتحاد رخيص عندك ؟؟؟ الى الدرجة هادي الجماهير عندك رخيصه وما تسوى ؟؟؟؟؟


يا شيخ منصور .. انت برضه ما قصرت وعشنا معاك احلى الايام .. فينك ؟؟ خلاص ما يهمك امر الاتحاد ؟؟؟ حتى لو منعوك من ممارسه الرياضه على القليله اجمع الناس .. وقدم لهم النصيحه ... قول كلمه بالاعلام فكلمتك لها صدى وجماهيرك وانصارك ماشاء الله ......

فينك يا افندي ؟؟ فينك يا فتيحي ؟؟ فينكم يا عيال بن محفوظ ؟؟ فينكم يا عيال اللامي ؟؟ فينكم يا عيال جمجوم ؟؟ وفين وفين وفين .......... اعد مين ولا مين ...معقوله صار الاتحاد عندك بخس ورخيص وما يسوى .... حتى لو بينكم خلافات بس ما توصل بينا الاخلاق انه نصفيها على حساب الاتحاد على حساب النادي العظيم على حساب الحب الكبير ... ولا كنتوا بتكذبوا علينا وبتوهمونا انكم تحبوا الاتحاد ... يا اخي الواحد بيتشاكل مع واحد بالشارع وبس يعرف انه اتحادي ولمن يشوف شعار الاتحاد بالسياره بيحن قلبه وبيحل المشكله ودي .. احنا علرفنا التحاديين كده يد وحده وقلب واحد

يا عالم ياهو ... انا واخويا على ولد عمي وانا ولد عمي عالى الغريب ........... قولولي ايش يعنيلكم الاتحاد ؟؟؟؟؟؟ ولا شي ؟؟ معقوله ؟؟ مانتوا قادرين تصفوا قلوبكم شويه وتشيلوا منها السواد وتقولوا ياجماعه الخيرخلينا نجتمع ونكون يد وحده ونشوف حل باللي بيحصل بالنادي ....... ما نبغى ملايين ولا نبغى كؤوس ..... البطولات تروح وتيجي ويوم فوق ويوم تحت ............. يا هو يا اعضاء الشرف يامن قلتم انتو اتحاديين ... يرضيكم وضع الاتي .. مانتو حاسيين المسخره اللي بتصير بالنادي ؟؟ احنا راضيين بمركز وسط لكم سنه بس على القليله لموا فضايحكم وخلوها جوه البيت ... حسسونا انكم انتم كبارنا اللي نفتخر بيكم ونرفع روسنا بيكم يا وجهاء ويا تجار ويا ساده .................

للأسف وللأسف وللأسف الاتحاد منكن بريء ولن يرحمكم لا الجمهور ولا التاريخ ان لم تتحركوا وبلاش متاجره بمشاعر الجماهير حرااااااااااااااااااااااا اااااااااااااااااااااااام عليكم

سامحوني على الاطاله بس طلعت شويه من اللي جوايا من القهر ...

انا عرفت الاتحاد من ايام الستينات والسبعينات وايام البغداديه وعم جوكر و سعيد غراب والسبيكه والنجده والعشعوش وحامد صبحي وعيسى خواجه وعتمان مرزوق وابو سمره وسعد بريك واسماء عمرنا ما ننساها ... صحيح ما كنا ناخد بطولات بس كنا بالفعل اتحاااااااااااااااااااااا اااااااااااااد قلبا وقالبا

اما الأن ف........................ خليها بالقلب تجرح ولا تندر بره وتفضح