والدتي اصيبت بجلطة دماغيه دعواتكم لها بالشفاء العاجل ..........................
السلام عليكم
صباح الخير
احبتي الكرام المحترمين
والدتي الله يطول عمرها
اصيبت بجلطة دماغيه قل ست سنوات ومن ذللك الوقت وهي مقعده ماتحرك تكرمون زي الطفل نوديها ونشيلها للحمام وبالسرير طوال الوقت فقط كانت تحرك يدها اليمن الحمدالله تاكل من نفسها بيدها وتشرب الماء والشاهي بيدها
طوال الست سنوات كانت صحتها ممتازة فقط فاقدة الحركة قبل شهر ضعفت صحتها جاها احمرار بوجهها ورقدنها وقالو حساسية ثم طلعت من المستشفى بعد ماطلعت وصحته غير جيدة صار صوتها به خشونه و بلغ تكرمون وفقدان للشهية واستفراغ ولا تاكل ابد وصعوبة بلع ونفسيتها مو زينه وبعدين بعدها بايام فقدت حركة اليد اليمنى الوحيدة اللي كانت تحركها وتعتمد عليها
ثم ودينها للمستشفى ورقدوها اسبوعين قالو المشكلة من الغده وعندها حساسية
بعد ماطلعت امس نفسيتها دمار وستفراغ وشهيتها للاكل معدوه بس ماء تشرب وتستفرغ
والمستشفى يوم قلنا لهم قالو كل شي تمام وطبيعي
جبت لها طبيب خاص ممتاز باطنية قال بطنها سليم وتكرمون ماتطلع البراز الا بشق الانفس لانها كانت تاخذ ملين طوال السنوات يوم رقدت عيو يعطونها يعطونها تحميل او حقنة
لها 3ايام طالعه من المستشفى وصحتها ماتغيرت والدكتور حق الغده يقول طبيعي صعوبة البلع وفقدان الشهية وخشونه الصوت مع الجلطة اللي قبل ست سنوات يبدا يضغف الجسم ؟؟؟؟؟
المشكلة جاها الشي كله بعد ترقيدتها بالمستشفى المرة الاولى اخوي يقول معطينه ابره كرتزون عشان الحساسية
ولا ادري هل من الكرتزون حاس كل شي ولا صحيح كلام الدكتور انه يضغف الجسم مع الوقت بس
اللي قاهرني انه فجاة ولا جاها جلطة ثانية عشان اقدر اقول انه طبيعي اللي جاها مادري هم اللي حاسوها ومعطينها شي مب زين ولا من الله اللي جاها فجاءة
وش رايكم الان انقلها لمدينة الامير سلطان ولا التخصصي ولا خارج المملكة مع العلم اني اول ماجاتها الجلطة كنا بنوديها لسلامة الجهني او نعالجها برا بس قالي الجهني مايفيدك دام راح 3شهور على الجلطة
؟؟؟؟؟؟؟
حنا مانبيها تمشي نبي بس ترجع صحتها الاولى تحرك يدها وترجع شهيتها للاكل ويروح صعوبة البلع وخشونة الصوت والبلغ تكرمون وانها تخرج البراز زي اول هذا اللي نبيه
مع العلم ان ماعندها الا جلطة والغده وفحمه بالقلب بس الحمدالله ماعمره شكت من قلبها ابدا
ابي شوركم ونصايحكم والله ماكتبت هنا بالمنتدى الا اني واثق من مساعدتكم وفزعتكم ياليت تفيدوني باللي يملك خبره او احد اقاربة مر عليه هذا الشي
والسلام عليكم ورحمه الله وبركاته
