شرح شغل المدرب وتفهيم بعض الجمهور الغافل عن هذه الاشياء

ياجماعة الخير لحد يزعل من كلامي لكن والله شي يقهر يااخي ازعل انتقد بكيفك لكن من باب الاصلاح مو عشانك زعلان من نتيجة المباراة تقول كلام ماله داعي يعني بعد تعادلنا مع الرائد جوك ناس مطفين النور واحد يقلك المدرب غلطان يلعب بمهاجم واحد وهو على ارضه بغض النظر عن قوة الخصم وترتيبه في الدوري والثاني جاي يقلك المفروض مايلعب باللاعب الفلاني المفروض يلعب هذا اللاعب ياحبايبي روحوا شوفوا ارسنال يلعب بمهاجم واحد وهو على ارضه ضد ليفربول وبرضو ليفربول يلعب بمهاجمين وهو خارج ارضه يجيك واحد الحين يقول لي تقارن الاهلي بارسنال او الدوري السعودي بالدوري الانجليزي اقله لاتنسى ان ليفربول قوي ومنافس السنه هذه على لقب الدوري راح يجي الان واحد يقولي طبيعي ارسنال يلعب بمهاجم واحد لان ليفربول قوي ومنافس اقله طيب ارسنال متصدر الدوري ومع ذلك ليفربول يلعب بمهاجمين فالمسالة مسالة تطبيق تكتيك المدرب وانا شايف ان اللعيبه طبقوا التكتيك صح لكن سوء الطالع يعني الحظ ماكان معانا فالحمدلله على كل حال انا بصراحة شايف ان اللي يعترض على عدم الفوز هذا فيه عدم ايمان بالقدر سواء كان خير اوشر


ولكن حاب اطمن الجميع ان فريقنا ماشي صح والانتقالات الشتوية راح يصلحوا الاخطاء والفريق قادم والدوري واسيا جايه باذن الله


وبرضو لاتنسوا الاصابات لها دور اضن وشكرا







اعذروني اذا ثقلت عليكم وسامحوني اذا غلط على احد وشكرا مره ثانيه