تصرف زوجي هل هو صح ولا انا الغلطانه ولا مين فينا الغلطان

مساء الخير عليكم جميعا

اخواتي ابي نصيحتكم ومشورتكم

بقول لكم السالفه وانتوا احكموا عليها وانصحوني وعطوني الحل الصحيح

هذي الله يسلمكم سالفه صارت لي مع زوجي واهله

كنا طالعين مكان واتصلوا عليه يبون يروحون للمكان اللي انا فيه طبعا زوجي بيرجعني عشان يجيبهم اهم امه وخواته وجدته وبنت خاله المهم

انا عصبت

واخته كلمتني وقالت لي وش سويتي بالطلعه وناسه ولا مافي حفله
رديت عليها اخوك رجعني والسبب انتوا وقلت لها اذا طلعت معه لاتتصلون علينا خلونا لحالنا عندكم اخوانكم الثانيين او ابوكم اللي هو عمي ابو زوجي



على طول حماتي علمت امها
وامها اتصلت ع زوجي تقول له ليش زوجتك تقول هالكلام ومادري وش قالت له

عصب زوجي كان يقول لي المره بدالها مره وقال لي روحي بيت اهلك ومن هالكلام انا انقهرت قلت المفروض اذا انا على غلط تعلمني وتقول لي غلط وتتفاهم معي وقلت له انك غلطانه ليش تشيشك علي المفروض تقول لي كلامك غلط او ماتشيشك علي والغلط بعد من اختك الاساس لانها راحت ونقلت الكلام

واي مشكله تصير زوجي يقول اني السبب وانتي الغلطانه كله يركبني الخطا


المهم انا تاسفت لام زوجي بس للحين زعلانه منهم وكرهتهم من قلب عشانهم خربوا علاقتي بزوجي
وزوجي يبيني ارجع لهم قلت له للحين انا متضايقه من السالفه يقول لي خلاص انسي وقت غضب خلاص
يحن ويزن يبيني ارجع طيب وكرامتي تروح هدر

وش اسوي عطوني حل وش اقول لرجلي للحين حاز بخاطري السالفه مابي ارجع لهم بيقولون لعبنا فيها وجات جد جد منقهره منهم


شوروا علي

على فكره زوجي عنده اخوان اصغر منه وكلهم يسوقون وابوه موجود ويسوق سياره بس عناد فيني يبون رجلي
واممم انا متزوجه لي 4 سنوات وعندي بيبي واحد
وعلاقتي برجلي الحمد لله كويسه بس مشكلتي اهله

انتظر منكم الرد الصحيح اعتبروني بنتكم او اخت لكم