الأغانِ اللي سمعناها سوى
كل ماأسمعها تخيلتك معي
أشهد إنك للجروح.. أقوى دواء
وفرحتي قربك.. وبعدك مدمعي
وقلب بحبك تشبع وإرتوى
إجلسي فيه.. وعليه إتربعي
مملكتك وما سواك أحد هوى
إفرحي به وآمري وإتدلعي
فدوة لك.. والخفوق وما هوا
ماسوى حبك تحظنّه.. أظلعي
دربي اللي كان مظلم.. بك ضوى
وبإسمك الخافق يناديك.. إسمعي
كل شيء صار من كنّا سوا
وأسعد اللحظات.. فيها إنتي معي
تغمض عيوني وأعوّد للورا
وأسأل الذكرى.. متى لي ترجعي؟
