اغنام - ابل - دواجن - طيور
يالربع انا ودي استشيركم في موضوع لواحد كلمني عليه من جيرانا ... الرجال يقول كنت ادور معزا للبيع ودلوني على واحد عنده معزا يبي يبيعها المهم يقول جارنا رحت للرجال الي دلوني عليه ووقتها كان علينا برد "" موووووت "" وتواعدت معه ورحنا لحلاله الا هو عنده تسع معزا يقول واتفقنا واشتريت ثنتين من المعزا من عنده والباقية البرد كان لاعب فيها لعب ولا هو مذريها عن البرد ابد ... يقول وحملت العنزين الي اشتريتها من الرجال في السيارة ... وحزنت على المعزا الباقية عنده في الشبك برد وجوع وحالها صعب ... يقول ورجعت من عند ا لسيارة وقلتله يا ابن الحلال البرد لعب في حلالك حافظ عليها قال والله انا ماعندي امكانيات وودي ابيعه بس مالقيت احد يشرية .. يقول وقلتله طيب خلاص جبه عندي بالشبك مع حلالي يتدفا اقل شئ عن البرد لين تبيعه وراح اكلم العامل متى ماجيته تشوف حلالك ولا لقيت زبون صامل بتبيعه كيفك مر الشبك وخذه ... قال خلاص وراح معي وشاف المراح وشاف الحلال وفهمت العامل على السالفة .. مرت الأيام واتصل علي وقال انا اخاف طول حلالي عندك وثقل عليك قلت لا عادي وانا اخوك بس متى بتجي تاخذه قال باخذه بعد يومين ان شاء الله .. مر يوم يومين ثلاثة ايام عشرة ايام شهر ادق على جوال الرجال مقفل ارسله رسايل مافيه امل يرد رجعت لمراحه الأول مالقيته ولا لقيتله اثر ابد سألت عنه ماحديعرفه اتصلت عليه شهور وسنين ولا رد والسالفة هذي لها تقريبا سبع سنوات ويقولي الآن حلاله الي كان مع حلالي وصل فوق 53 راس ويقولي جارنا انه عازلهن لحالهن وهو شخص الله منعم عليه واحتار وش يسوي فيهن والرجال مالقاله اثر ابد ولا يدري عنه ولا يعرفه ... وش شوركم يالربع في هالسالفة الحلال صار واجد والرجال خايف انه يموت وهو عنده بذمته ...
المصدر: منـتـديات أغـــنـام - من قسم: افكار وحلول وآراء مربي الحلال
shgtm " yvdfm j;t,k hgd uk]i pg dhgvfu dt.ugkhhhhh pghg lhi, gHp]
