الآن فهمتك يا بينات + الاتحاد وقصة الطالب الصايع ..
السلام عليكم ورحمة الله وبركاته
اتمنى يا اتحاديين تكونوا في تمام الصحة والعافية
مع اني اظن محد راح تجيه راحة بال وصحة وعافية في ظل وجود كتل فاشلة في نادي الاتحاد
هاردلك على التعادل بطعم الخسارة
شيء طبيعي جداً .. والحمدلله حصلنا على نقطة أفضل من اننا نطلع من المباراة بدون نقطة
بداية التصحيح الاتحادي الفعلي "فنياً" راح تبدأ بإقالة "المتدرب" بينات من الفريق الاول لأنه واضح عليه إفلاسه التدريبي في عالم كرة القدم وترصيص الدفاع وجلب مدافعين جدد ( خبرة ) بدال باسم ومنصور شراحيلي وقاسم وجلب أجانب بخامة نيفيز الهلال مش مثل بيانو الاتحاد ومدرب تكتيكي ما يجرب خطط أثناء الدوري
11 نقطة حتى الآن بفضل الله ثم دعاء المحبين فوز بلا مستوى وتعادل بطلعة الروح وخسارة مذلة من فرق جديدة وضعيفة فنياً
11 نقطة من اصل 24 نقطة
11 نقطة في ثمان مباريات !!!!!!
تذكرت حال الطالب الصايع قبل بداية الدراسة .. يقول "بشد حيلي وبدرس وبطلع الأول ان شا الله" .. ويبدأ الترم الدراسي ويحصل على درجة كاملة مع أول الاختبار بفضل الله ثم اللي جنبه .. يجيه تخدير وينام باقي الترم يكمل يعتمد على الله ثم على اللي حوله
هذا هو حال الاتحاد
الإدارة : سنجلب لاعبين يسدون حاجة الفريق ومحترفين على مستوى عالي
الإدارة : الديون ستنتهي
الإدارة : سنوقع مع اضخم عقد رعاية في الدوري السعودي
اللاعبين قبل كل مباراة : سنصحح أوضاعنا ولا مجال للتفريط بالثلاث نقاط
بداية قوية بداية الموسم الرياضي .. ليس قوة في الاتحاد لكن استغلال لضعف وهبوط مستويات الفرق المنافسة حصل على 11 نقطة !
ما زال الاتحاد يترنح وسيترنح ليس في موسم واحد عزيزي العاشق الاتحادي بل لمواسم كثيرة في حال عدم جلب نجوم جاهزين قادرين على انتشال النادي
التفريط في النجوم وعدم جلب لاعبين بمستواهم بداية من استبعاد حسني وعبده وانتهاءها بنور بإسم الإحلال ليست سوى تجربة احلال فاشلة نجني ثمارها هذا الموسم ولعدة مواسم إن لم يتم اصلاح الوضع كما فعل النصر .. شوفو النصر قبل موسمين ونصر هذا الموسم
كونوا على استعداد تام أن تروا مركز اسوأ من مركز الموسم اللي فات ! ولا يجيني شخص يقول ياخي تفاءل .. ما عندي استعداد احط تفاؤلي وثقتي على باسم المنتشري ومنصور شراحيلي وغيرهم من اشباه اللاعبين اساميهم موجودة في الاتحاد اساسيين واحتياطيين
قفلة
علموا بينات اننا نلعب مباريات دوري ، الظاهر ان الجماعة قايلين له انها مباريات معسكر جرب وخذ راحتك ..
