الدوري في مهب الريح

يا شباب الغرض مب شماته بس بصراحة سوء التدبير واضح واللي مايعجبه الكلام فالسكوت من ذهب .
المشكلة الأولى سوء التدبير من الإدارة طريقة المدرب بيريرا على عيني وراسي طريقة أوروبية بحتة وتعتمد على الإستحواذ لكن مشكلة الطريقة هذي أنها تقتل المتعة وتصعب تسجيل الأهداف في مرماك وبالنسبة لمرمى الخصم فيعتمد حسب قوة دفاع ووسط المنافس والمهارت الفردية للاعبي فريقك والدليل المباراة اللي حسمت بين بورتو ومنافسه على الدوري ما تسجل الهدف الا بمهارة فردية يعني من الآخر طريقة غير مجدية (الأنسب من المدربين اللي سبق ودربو الاهلي هو الصربي اليكس) تتذكرو فوز الاهلي على سابهان الإيراني ذهاب وإياب بالرغم أن سابهان كان وقتها أقوى فريق إيراني والأهلي كان عنده نقص في الهجوم غير نتائج الاهلي في الدوري كانت أكثر من جيدة.



المشكلة الثانية صانع اللعب الأجنبي وجهة نظري انه برونو سيزار ما جاب المردود مقابل القيمة اللي دفعت له أكثر من 40 مليون بصراحة مرة ما يستأهل (الانسب يتعاقدو مع إلتون يغروه بضعف مبلغ عقده مع الفتح اللي هو خمسمائة ألف خليهم يعطوه مليونين أو 4 ملايين بدل المكابرة اللي مالها داعي)


آخر شئ خط الهجوم المهم يكون عندهم عدد 2 مهاجمين على مستوى عالي و2 مهاجمين متوسطين المستوى (ومتوسطي المستوى يكونو احتياط للآخرين وكل واحد يأخذ فرصته في المباريات على حسب أدائهم ونجاحهم )

وسلامتكم ......ادري البعض بيقولوا مب فريقنا بس اللي يشتغل وينافس على الأقل ينافس فعليا على الدوري والبطولات .


والله يا إخوان فريقنا فيه عناصر أكثر من ممتازة بالإضافة للإستقرار المالي اللا محدود من رئيس مجلس أعضاء الشرف الأمير خالد أطال الله في عمره.


شوفو وضع الأندية الثانية مثل الاتحاد والنصر تعاني من الأوضاع المالية وبالذات الاتحاد مابقي غير يشحتو عند المساجد .


الآن هو العصر الذهبي للنادي الأهلي إذا ماحقق إنجازات الحين متى بيقدر .


وكما قلت في البداية اللي عنده كلام سلبي رجاء لا يعلق ..تختلف معاي في وجهات النظر تفضل المهم نفيد ونستفيد. وكلامي هذا ليس تهجم على الفريق أو على الإدارة بالعكس فريقنا مميز بالعناصر - ادارتنا لازم تبقى وماتتغير لكن المطلوب تترك المكابرة وتتعلم من أخطائها وتحاول تستشير وتراجع متى كانت نتائجهم في أحسن حالاتها ولا ننسى أننا خسرنا الدوري الموسم قبل الماضي على آخر مباراة .