ادارة الهلال احذروا من الاعلام لايخلون من نيفيز رادوي جديد

بالاول اعتذر للجمهور الهلالي خاصه وللجمهور السعودي عامتن بعنواني للموضوع عن االاعلام لكن للاسف هذا الواقع
الحقيقة يايه معوكسه وصاير الهلال اهو المسيطر وهو الكل بالكل !! والواقع حسب رؤيتي مع اني صج هلالي بس اجوف انها واقعية ان الهلال اكثر من يتضرر !! ياجماعه والله انها حقيقه ، انا تحجيت والله مع ناس عرباويه وريانين وغرفاويين وقطراويين يعني محايديين مالهم خص في هاي السواليف وكلهم نفس الراي ،،، بس مااادري شسصاير ؟ اللي يصير بالملعب شي واللي في الاعلام للاسف عندكم شي ثاني؟؟
زبدة الموضوع اللي بقولها لكم امس بالصدفه شفت الاعلامي النصراوي الغرفاوي عبدالعزيز الدغيثر ببرنامج نسيت اسمه بس اذكر اللي يقدمه الشهري ،اسمعته يتكلم عن نيفيز وتطرق بكلامه عن نيفيز بمبارات الاتفاق وقال انه تعمد الضرب وجرح لاعب الاتفاق وسال دمه وبعدين انتقل لمباراته مع التعاون وانه ضرب لاعب التعاون وانه لجنة الانضباط ﻻزم تجوف لها حل واياه ، والغريبه انه ماركز على سالفة دعس لاعب التعاون لنيفيز مع انها اخطر من سالفة اخطاء نيفيز كلها بالدوري مجتمعه ؟ وسبحان الله بالصدفه قريت بالتوتر قبل شوي لاخوونا وصديقنا الأستاذ العزيز الزعيمي مايد التميمي وهو يحذر ادارة الهلال من الاعلام النصراوي من انه يجعل تيقو نيفيز رادوي ايديد ، بعدها جا ببالي اني انزل هاي الموضوع لانه ماادري حااس فيه شي بيصير ، فاللي اجوفه انه اي ﻻعب يتميز بالهلال اتصير له مشاكل والامثله كثيره رادوي طارق التايب ياسر القحطاني وغيرهم وغيرهم ، حاولو في فتره على هرماش هاللحين اجوفهم مركزين على تيقو نيفيز مع انه نيفيز سبق انه كان في الهلال بس لانهم كانو مشغولين وقتها برادوي ، هذا مجرد راي وتنبيه والسموحه على الاطاله.