$$قصتي مع. التعاطي.. والدمان$$ الجزء الثاني
احباب قلبي
طحينياتي الاعزاء
السلام علاكم ورحمة الله وبركات...
تاخرت عليكم بالجزء الثاني من روايتي ذات الشجون ..
اعلم انكم تنتضرون على احر من الجمر ..ازعجتوني بالرسايل الهاصه((الخاصه ))
اشكركم يامن ارسلتو لي ويامن لم ترسلو لي..
والقصه كامله كانت خالصه منذ مبطي بس انا اخترت الجزء الاول ابي اشوف اصداءه عندكم خصوصا انها لم تطرح في اي منتدى قبل منتداكم .
والحمد لله انه نال بعض من رضاكم وهذا يكفيني..زي الطحينيه كلكم
وصلنا عند
طحينياااااااااه
وبعد رجوعي ونا فال ابوهااا من الطحينيه واكلم الغنم كل وحده اكلمها على انفراد
عن الطحينيه ..وكلهم للاسف كان يقولون تسذب ماتعرف الطحينيه وانا احلف بالله اني اكلتها وواريهم العلبه ..لكن دون جدوى..((معذورين ترى الامر شبه معجزه ولا يصدقه عقل ))
المهم دخلت القريه مثل الذيب..<<==تقول جايب راس شارون..
ومن حضي السيء اني اول من واجهت المطوع..(امام المسجد حق القريه)..
قلت بصوت عالي وبكل غطرسه وكبرياء..
يالمطوع تعال..
قال وش تقول ياورع
قلت تعااال ولاتطول الكلام ..انت ماتدري من انا..واطلع علبة الطحينيه من جيبي..
والوح بها في الهواء..
والله والمطوع يجيني مشغل التيربو..
((عاد انا في نفسي اقول والله مسكين المطوع ورا ماخليتله لحسه..))
قال ويش هاذي ياسكار..((كنت احسبه يدلعني))قلت ايييه بدا الاستقماط ..اكيد انه يبي العلبه..
بس هيهات ..هيهات
قلت اسمع يابو صويلح انا ماني فاضيلك هالحين ..
متاخر ومطوف على التحضير عند الوالد ..سااااعتين
بس العصر بجيك
ابيك تكتب لي شهاده خطيه وتوقع عليها انت وجماعت المسجد..
((كنت ابي صك ملكيه على العلبه..))
كل هذا والمطوع مدري وراه يشمشمني..ويتبسم
قال ((المطوع)) لاااااا وليش ننتضر للعصر
.. الا هالحين.. وكان رايح للمسجد يبي يصلي الضهر
عاد انا نزلت علي الامانه فجأه وقلت ((ياشاخ))ابي اودي الغنم للبيت واجيك الله لايحرمني من هالسكسوكه..
قال ..مخدووووم .. يابو سعيد يابو سعدون يايوسعد يابو اسعد فضه..
<<=بغيت اقول ناد ابو نورمان اسعد بس استحيت من الغنم..
وفي لحضه الا والشياب محيطين بي وكل واحد يتلني ويصقعني مخمس ويسلمني للي جنبه..
(( من يد في يد)) ولا عطوني فرصه اتصل بصديق ولا شي
اخذوني للمسجد وجابو ورقه ..قال الشاخ..((المطوع)) انت سكران ..
قلت نعم<<=على باله يبي ياخذ صك..
قال من متى ..قلت وش اللي من متى ياشاخ..
قال من متى وانت تعطبها ..ياحونشي..
عاد حونشي ماتقال فالقريه الا فالمناسبات..
ولا ادري هي مدحه ولا مسبه ولا اكل ولا وشهي..
قلت والله من مبطي ..بس عجل اكتب الصك وخلصنا..
المهم كتب المطوع كلام كثير واشوفه يفتح المصحف وينقل منه ايات ..
وانا اقول في نفسي الله يالصك اثره شغله ويطول..ايييه احقوق ناس ماهي لعب..
صراحه انا مااستغربت المخمسات لان الوالد من كثر مايصفقني صار.. الوضع ..عاااادي
المهم الربع طولو والناس تجمعو فالمسجد ولاصلو الضهر ..لهالحين ..
قال المطوع ياهل قرية..(وووو) ان المدعو ..(وووو) ابن (ووو) الفلاني الفلنتاني..
جاء اليوم بجرمن خطير ووزرا كبير ..لقد جائنا سكرانن ..<= نن ؟؟؟
وقامو الناس يقولون اخس يالداشر ..يهيب ياوجهه..واللي يقول ايييه من مبطي وانا اشك فيه..
واللي يقول اعدموه واللي يقول اسجنوه مؤبد واللي يقول انفوه من الارض الطاهره.. اقلعوه لايخرب ورعاننا .. قال ((معبس))الفراش حق مدرستنا اقطعو يده ورجله من خلاف..يسمعها فالاخبار..
اب اب اب وبدو يرجموني بالحصى والنعول..عاد انا قلت ياناس
والله ماني زانيه انا بس سكران..اقطعو يدي ورجلي من خلاف ..مبيهم يرجموني ..
وألمح ابوي قلت تكفاااا يايبه .. رح لمصر وجبلي محامي تكفااا يايبه ..
وعرفت ان الوضع مزري ..
قال المطوع بعد ماقال ياناس(( انصتو لعلكم تفلحون)) وسكتو العالم غير طوفريه الاصم يبربر.. مايدري وش الطبخه ويرجمني بالحصى هالدلخ ..
المطوع يابني..لقد حكمنا عليك بثمانين جلده ..موافق ولا نعيد الحكم..
قلت لا والله موافق وعشر تنعام ..موافق موافق موافق ..قال جواب نهائي
سويت نفسي افكر
قلت جواب نهائي
سوا نفسه بيلعب في عصابي..وفام يعاين في ويهز راسه ..ويتبسم
قلت..(تكفا ياجورج قرداحي)
قال قرداحي في عينك ..هات الخيزرانه ..
والحقيقه ماحسيت بالضرب بس اسمح محط الخيزرانه ..ولا ادري وين توقع ..
<<==من كثر الدرن اللي متلبد على ضهرك ..
وبعد هذا الحكم الجائر ..ماعاد احد فالقريه يعطيني وجه ..
حتى المسافرين ماعاد ينطلون القواطي..في قريتنا..وخربت سمعت القريه ..وصار اسمها قريت السكًارين..لان الشر يعم والخير يخص ..
<<==قويه بس حلوه..
قالت امي الله يخليها لي ويطول عمرها..
بني ان فراقك لاليم .. ووداعك لعضيم ..ولكن قدر الله وماشاء فعل
ابك رح لبن عمك اللي يدرس فالخارج..
وابن عمي هذا كان فالرياض ويضحك علينا ..يقول انا في جده ..
المهم اخذت بقشتي.. ورحت للخط ..وقمت اشر ..
وبعد مافقدت الامل ..وقفت سياره ..بعد ماتعدتني بمسافه ..
.. وجيتها حاط رجلي ..والله وافك الباب واركب على طول ..قلت حرك ..
قال انزل يامعفن.. وفقمت اضحك على بالي يمزح معي ..
وقلت ياخف دمك ..حرك ودنا جده الله لايهينك..
صكني بمخمس ..وقال ياحشره اللي يبي جده مايشرعلى طريق الرياض..
انزل واشر على السيد الثاني ..وانا نازل
قلت مامعك طحينيه طيب..<<==بدا الادمان يلعب دوره
تفل علي ...وقال انت تعايرني ياحقير
قلت وش اعايرك ..؟؟ولا خايف اني اييييه..خايف اني دبوس وابي اجيب العيد فيك..
عطني كسره والله ماعلم..احد
الرجال الحس مخه ..وارتبك وقام يقول الله لايعيد اليوم اللي فتحت فيه المصنع..
كل الناس تعرفني ..كل الناس تعايرني كل الناس..
قلت ياخوي انا معرفك ..خلاص الله يستر عليك شكلك مدمن ورايحن فيها الله لايبلانا
الحمد لله انا ماوصلت المرحله هذي وانشاله اتعالج في جده وترك الطريق المنحرف هذا..
روح ياطحينيه الله لا يستر عليك يامدمن ياخربان..
وكثرت عليه من الكلام اللي قالوه لي اهل قريتنا ..
المهم الرجال ..يمكن انه شاف حالتي وقال ورى ماخذ فيه اجر..اركب اركب
قلت ياخوي انت الضاهر انه ماعاد فيك امل ..
هالحين انت ماقول جده طريقها ماهو هذا..ياطحينيه..
ا
قال اركب اوصلك مكتب النقل الجماعي..اللي قدام وتروح فيه لجده الله يستر عليك..
والله انا اول مره اسمع ان فيه شي اسمه النقل الجماعي..
ولا كنت اضن مافيه مكتب الا مكتب الاداره حق مدير مدرستنا ودايم اقول ياذكي مديرنا ..
كيف طرا عليه هالاسم ..
بس قلت سقها..مع الرجال قدام ..يمكن يعطيك طحينيه اذا حس انك ثقه..
عاد فالطريق قلت انا ورا ماعلمه بقصتي مع الطحينيه ..
<<=كنت ابيه يعرف اني راعي صنف..
والله واهل السبحه ..واول ماقلت طحينيه ..ويصقعني بمخمس ويقول ياقليل الادب انت ماتربيت ياحقير يا مدري ويش..<<= شتيمه اكيد بس نسيتها وشكلها قويه..
قلت اقسم بالله في صلاة امي وابوي والله اني ماكذب عليك ..وعلمته بالقصه
الرجال اشوفه مركز معي ويسالني عن كل كلمه ومتحمس للقصه..
وفي نص السالفه قال ياخوي انت اصبحت رمز لكل طحيناوي على ضهر الارض كل مصانع الطحينيه فالعالم اتفقت على الاحتفال باليوم اللي انجلدت فيه..بقريكم ضلم ..الله لايوفقهم
((اثر قناة الفضايح ..كانت تغطي الاحداث بالقريه وحنا ماندري ))
وقال الله اللي جابك هذا من حضي الطيب ..والله ليصير اسم طحينتي فالعلالي ..
لازم تروح معي للرياض ونسوي لك مؤتمر صحفي برعاية مصنع الطحينيه حقي..
تكف ياولد تكفا ..وانا اصقعه بذاك المخمس ((اول مره في حياتي اصقع واحد بخمس))
قلت هاحين انا اكلمك من جد ..وانت.. تتريق <<=قلتها بصعوبه لاني ماسمعتها الامره وحده ..
المهم الرجال حلف بالله انه صاحب مصنع طحينيه ..وانه يتمنا اني اكون احد كبار الموضفين بالمصنع..
طبعا ..انا رفضت فالبدايه وخفت ان الحكومه تطرحني واما متلبس ..
لاكن بعد ماعرفت ان الطحينيه تباع فالاسواق ودخلت معه في كم سوق وشفت علب الطحينيه فالبقالات..وخليت الرجال يشتري لي علبه كامله..وقمت اكل منها فالشارع ..والحقيقه كنت خايف من الحكومه هاك الوقت ..واذا شفت الدوريه رميت العلبه عليه..ومسحت يديني وفمي بالمنديل ورميته مع الدريشه..واذا تعدينا الدوريه قلت هات الطحينيه ياخواف..
ورحت مع الرجال وتعينت بالمصنع عامل بسط..لين مالله من علي وفقني
وسويت الخلطه ..اللي خلت منصعنا يفوز بالمركز الاول على العالم ..
ورقاني المدير الله يوفقه ..الا رتبي الحاليه ..كبير الطباخين..
واصبحت عضو فالاتحاد العالمي للطحينه..ورئيس جمعية عيال الطحينيه في اعيننا..
لرعاية ابناء عمال الطحينيه المتوفين على راس العمل في الشرق الاوسط وبعض جزر البلطيق..
انتضرو جديدي..قريبا
مع كل الود
الكاتب$طحينيه$بالفستق$
