ياقـلـب يـالـي فـيــك مـثــل اللـواهـيـب

ياقـلـب يـالـي فـيــك مـثــل اللـواهـيـب
صبرك على الدنيا وصبرك على الناسي

دنــيــاً دنــيــه مــاوراهـــا مـكـاسـيــب
حتـى الغنـاوي فيـه تـحـري بـالافـلاسي

الـيــا دنـــا يـومــه وجـتــه المكـاتـيـب
وصـلــوا عـلـيـه مخلسـيـنـه تـخــلاسي

ماينفعـه غيـر الدعـى فـي ظهـر غـيـب
والا عـمـلـه الـلــي تـقـيـس بمـقـيـاسي

او ذكــره الطـيـب لـيـا ذكــر بالـطـيـب
يكسـب مـع اهـل العـز عــز ونـومـاسي

يـاخــذ مـواجـيـب ويـعـطـي مـواجـيـب
وعلـومـه العلـيـا عـلـى كـــل نـبــراسي

عـــز الـرفـيــق ومـكـســب للـجـانـيـب
سـعـد لـبـن عـمـه عـلـى كــل مقـبـاسي

هــذا الــذي يلـقـى جـمـيـع المطـالـيـب
واليـا ذكـر قالـوا علـى العيـن والـراسي

والخـايـب الـلـي كــل مايكـبـر يـخـيـب
ماله مع اهـل الطيـب قومـه ومجـلاسي

مجالـسـه تجـلـب لــه الـشـك والـريـب
مابيـن عـود وبيـن شيـشـه ومــرواسي

واشكالـهـم كنـهـا الـبـنـات الرعـابـيـب
وهـــذا لـــه الاكـــه وهــــذاك بــــلاسي

ومن عقب ماكان الفخر فـي الاشانيـب
صارت في تال الوقت تحلق بالامواسي

وقـت ٍ تغـيـر واختـلـف يـاهـل الطـيـب
مـاعــاد لـــه لـــذه ولا لـــه تـحـمــاسي

ابــوي دربـنـي عـلـى الطـيـب تـدريـب
ياجـعـل ماياتـيـه طــول الـمــدا بـــاسي

وعطـتـنـي الـدنـيـا دروس وتـجـاريـب
ولاجهلـت ان الرجـاء خيـر م الـيـاسي

ولـو جـار بـي وقتـي وقلـوا لصاحيـب
مــا والله احـنـي للمخالـيـق ذا الــراسي

اظهر على المرقاب واقنب كمـا الذيـب
واصبر على الدنيـا لـو القلـب حسـاسي

ومـالـي ومـــال امـدوريــن الـعـذاريـب
اهــل الحقـايـد والحـسـد والـتـدحـلاسي

اصــد عنـهـم وابتـعـد عـمــد واغـيــب
واتخامل اللي يضـرب الضلـع بالفـاسي

نـاس ٍ عـلـى الدنـيـا تـغـث المشـاريـب
واجناسهم ماتنحسب ضمـن الاجنـاسي