ملبوس غيرك لو لبسته يعيبك

ملبوس غيرك لو لبسته يعيبك
وهرج بلا معنا يعود سماجه
ان كان حملك ما تشيله مناكبك
اطلب جزيل المد وادعه وناجه
لا ترتجي من واحد ما يوجبك
لو كان من دنياك مستك حاجه
ترا كثير الناس لو كان يعجبك
سحاب صيف مقتفيته عجاجه
ان شاف عندك شي حبك وقربك
وان قل ما بيدك كثير احتجاجه
ان جدت له وده من الخير ينهبك
واليا نصيته صد واخلا مداجه
اليا بدالك لازم فيه جنبك
وقدم عذاره لين يلقا خراجه
خل الردي من رفقته ويش مكسبك
خله بحاله لا تعكر مزاجه
وقت السعه لا غبت مره يعاتبك
والا بوقت اللازمه ما يواجه
انصى الرفيق اللي ليا ضاق حاجبك
لا جيت يمه قام يضحك حجاجه
يفرح من افراحك ويجزع لصايبك
وعلاج ضيمك لا تصعب اعلاجه

الشاعر غازي بن مهنا الشيباني

صح لسانك ولسان قائلها

يامحمد

وحياك الله معنا

يالغالي

تحيتي لك

صح لسانك ولسان قايلها