نبته فوائدها تساوي وزنها ذهب
اغنام - ابل - دواجن - طيور
ماهي النبته التي فوائدها تساوي وزنها ذهب ؟؟
قد تحتار اخي المربي في اﻻجابه وانا اقول انها الحلبه لقد وجدت من امرها عجبا عندما مررت على قريب لي اليوم عند الساعه الثامنه صباحا وسلمت عليه وتجا1بنا اطراف وكان الحوار التالي
( انا : يابو محمد ما شاء الله على بهمك سليم من الخرجان وسمان والبارح يوم تعشينا عندك لحمته زينه وبيضاء عندي سؤال لو كان مافيه احراج جاوبني
ابو محمد : اسال
انا : اﻻسئله واجد وبابدا بواح انت وش تعلف حﻻلك؟
ابو محمد : العلف شعير وبرسيم ولهن وجبه كل يوم جمعه حلبه للبهم بس
انا : طيب الخراج ما طلع في حﻻلك وش السبب ؟
ابو محمد : يطلع في الحﻻا بنسبه قليله ﻻنه اول مايجي كبر التمره اطقه بنسلين 3 سم في الخراج
انا : طيب عطني جدول الوجبات لحﻻلك
ابومحمد: الصباح يعلف البهم برسيم ناعم لحد ما يشبعن يعني نعطيه دفعات لو
اكل 6 لبنات فضلتهن نعطيه المعزا الساعه 9 يحط العامل للبهم حلبه في المويه مع الخل اذا جت الساعه 11 نعطيهن شعير ومعه حلبه العصر لبنتين برسيم وشعير ساده وعلى هالنظام ويوم الجمعه الساعه 11 حلبه ساده بدل الشعير وعلى هالنظام
انا: الله يبارك بحﻻلك ومالك وعيالك
ابو محمد : امين اجمعين
خﻻصة هالكﻻم اللي عنده بهم شوي ﻻيمنع عنه الحلبه ترها زينه
يوم سمعت المعلومات من ابو محمد قلت خلني اعلمكم
kfji t,hz]ih jsh,d ,.kih `if
