إدارة ابن داخل + إدارة الفايز يرتكبون نفس الأخطاء !

السلام عليكم ورحمة الله وبركاته

أتمنى يا موندياليين تكونوا في تمام الصحة والعافية

خير الكلام ما قل ودل ..

في مباراة الأمس لما أشوف لاعبين الاتحاد تايهين مو عارفين وين الله قاطهم كأنهم أول مرة يلعبون كرة قدم ، ولما شفت هدف الفيصلي الأول والثاني على الاتحاد .. وكيف الجهة اليسرى حتى مع محمد قاسم سيئة .. وفي الهدف الثاني احترق قلبي واللاعبين يطالعون الكرة تروح مافي احد بذل جهد ويخلص الكرة

رجع ذهني ورى لعهد إدارة بن داخل ، والخطأ اللي استمر الى يومنا هذا في عهد إدارة الفايز مع احترامي للإثنين

بدأت المشكلة في إدارة ابن داخل لما قررت تطيّر رؤوس اللاعبين فبدأت باللاعب مناف أبو شقير وصالح الصقري ، مع أن ذاك الوقت ما كانوا اللاعبين في مستواهم ، لكن الى يومك اسألو انفسكم .. مين جا بديل للاعب مناف واللاعب صالح الصقري وقارنوهم بالمستويات ؟!

الى الآن هذي الخانتين ( محد ) أثبت نفسه فيها .. طيب ليش فصخت عقود اللاعبين ومافي احد يغطي مكانهم ؟

ناهيك عن الاختيار السيء للاعبين الأجانب

وهذي المشكلة كملّت في إدارة الفايز لما قررت تطيّر رؤوس اللاعبين فطيرّت باقي اللاعبين ( نايف - نور - حمد - رضا - مبروك - ابراهيم )

الفرق الوحيد ان في عهد إدارة الفايز انها جلبت لاعبين أجانب مثل سوزا والشربيني لكن مع الأسف ما تعاملوا معهم بالشكل المطلوب بسبب الطفرة !

الشاهد من الموضوع ان الإدارتين طردوا اللعيبة بشكل عشوائي وما جابوا لاعبين يسدوا خانتهم وهذا اللي ضر الفريق بالكامل وما استفادوا من خبرة اللاعبين الكبار في السن وأصبح المركز السابع مكاننا في دوري زين وجميل!

بدليل الحين ما عندنا لاعب الى الآن يصنع اللعب أو لاعب " صانع لعب " محلي ولا حتى اجنبي "مكان محمد نور" ، الأظهره تعاني ( أيمن وأيسر ) "مكان الرهيب وباولو جورج وصالح الصقري" الدفاع يعاني "مكان رضا وحمد وأسامة" ، الجهة اليسرى في الوسط " مكان مناف " .. إلخ

اللي يشوف عدم ثقة الفريق الاتحادي في مباراة الفيصلي ويشوف الاهداف اللي تدخل على الفريق وطريقتها ومستوى اللاعبين وطريقة لعبهم في الميدان راح يفهم معنى كلامي

الإدارتين فشلوا فشل كبير في التعامل مع عملية الاحلال ، لأنهم ما وفروا الأجانب اللي يساعدون اللاعبين الصغار والبيئة المناسبة لهم وفشلوا فشل كبير في جلب مدرب يقدر يطور من مهارات اللعيبة ومدرب تكتيكي واللي مطلع على باقي الفرق يشوف الهلال والشباب وكيف عملية الاحلال جالسة تصير بحيث ما أثرت على مستويات الفريقين في السنوات الاخيرة وأيضاً فشلوا بجلب لاعبين محليين وأجانب يسدّوا خانة اللاعبين "المنسقين والمعتزلين " من النادي

انا ما أطالب بعودة اللاعبين القدامى .. مع اني الى اليوم متحسف على خروج لاعبين " عبده عطيف + حسني عبدربه "

لكن السؤال ليش تبي تشيل لاعبين وانت من الاساس مو مجهز لاعب مكانه !

اتوقع الاتحاد راح يرجع يعيش سنوات من جفاف البطولات مع هذا الجيل