القرقاح ينطل عقاله للصفوف ...!!!
[align=center][ramv]http://www.qahtaan.com/up/up/falah2000.rm[/ramv]
لحفظ الملف اضغط هنا
[size=3]كان الحفل للروقه من عتيبه
وكان الشعراء
1 - ملفي المورقي
1- وتركي الميزاني ( تركي 2000 )
3 - فلاح القرقاح
وقد كان الحفل في القاعه الرومانسيه في مخرج 9 بالرياض .
ولقد كانت حفله جماهيريه وكانت الصفوف حيه ومتحمسه وكان صف للعتبان وصف للمطران
وزادت الصفوف عن الصفوف المستأجره وأصبحت صفوف فزعات للمطران وللعتبان
وعند حوالي الساعه 1:45 بعد منتصف الليل طلب صاحب الحفل ان يلعب تركي 2000 وفلاح القرقاح
في طاروق أخير ، وعندها أستغل الشاعر فلاح القرقاح الموقف وطلب فزعة العتبان معه في الصفوف
ولكونه ضيف عليهم في حفلهم فقال :
فــــــــلاح القــــــــرقاح
ياعتيبة ساعدوا ضيفكم بالصـف ساعـه
وأنتم أهل الماقف اللي يشرف والشجاعه
كان صف مطير واثق شرا تركي ماباعه
ولعوهـا نـار والنـار مـن شبابـهـا
يا لا لاله لا تقلل من حماسك يالمطـاري يا لا لاله نبغي الليلـة نولعهـا حريقـه
يا لا لالـه والله أنـي داري والله داري يا لا لاله من بغى الطاروق دورله طريقه
ونجحت حينها خطة الشاعر فلاح القرقاح وتحمسوا له صفوف العتبان
وكان ضمن الصفوف زميله ملفي المورقي الذي اجاب لنداء القرقاح
وبعدها جاء دور تركي 2000
وقال :
تـــــــــركي ألفـــــــــــين
صفنا ثابت من الوقت الأول ياقحطاني
تدري أن صفوفنا ما تغيرها الزمانـي
وين ربعك يوم علقت فالعتبان عانـي
ولعوها نـار والنـار مـن شبابهـا
يا لا لاله صاحبك في المعرفه بايع وشاري= يا لا لاله والحقيقة ما يقـول ألا الحقيقـة
يا لا لاله يالعبيدي طاريً في الصدر طاري = يا لا لاله يالرفيق اللي علومه مـع رفيقـه
وكان يقصد بمواله انك يافلاح معلق نفسك في العتبان زي العاني وين ربعك قحطان
وعندها استثار القحاطين الذين كانو حاضرين في الحفل من ضمن الجماهير
وقاموا القحاطين باعداد كبيره وكونو لهم صفوف كبيره جداً
وصار الوضع فوضى مما أستصعب تنظيم الصفوف
وطلب منهم تركي 2000 تنظيم الصفوف ليتم المحاوره
وظل يردد مواله عدة مرات حتى انتظمت الصفوف
وبعدها جاء دور شاعرنا المميز شاعر قحطان فلاح بن محمد القرقاح
وقال :
فــــــــلاح القــــــــرقاح
أذكر العتبان في حفلهم والشـك زايـل = وأن زهمت دروع جنبي يسوون الهوايل
والله أن أنطل شماغي لهم والراس طايل = ولعوهـا نـار والنـار مـن شبابـهـا
0000000000
وبعدها رمى فلاح القرقاح شماغه على صفوف القحاطين
تكريماً لهم على وقفتهم اللي تبيض الوجه
وماكان منهم الى ان انطلقوا نحو الشاعر فلاح القرقاح
وحملوه فوق اكتافهم حتى اوصلوه الى سيارته
وعندها انتهى الحفل[/align]
[align=center]ملاحظه النقل عن طريق العضو في هذا المنتدي فلوجه [/align]
