طريقة مفيدة ساعدتني في تقليل مصاريف الحلال .. (نعيم)
اغنام - ابل - دواجن - طيور
السلام عليكم ورحمة الله وبركاته
دايم يقولون إسأل مجرب ولا تسأل طبيب ..
وأكثر شي يهابه مربي الحلال تغيير العلف وإنقطاعه والأهم مصاريفه
قبل ثلاث أشهر تقريباً نويت أني أغير من طريقة تعليف الحلال ، وكنت خايف لأن الحلال له سنين ماشي على تعليف معين وروتين معين
وأكبر مخاطرة أنك تخلي حلالك حقل تجارب ..
لكن توكلت على الله وعزلت 120 راس نعيم دفيع ..
الصباح : لبنيتن تبن (جعله في وجه العدو)
الظهر : لبنتين ذرة
ثم يسرحها العامل إلى قرب المغرب
والمغرب : كنت أعطيها كيس شعير ، وكنت مقصر معهن
لكن الأن وهو سبب كتابتي لهالموضوع
صرت أخلط : مركب - شعير - تمر - خبز
والكمية كالآتي :
سطل بوية شعير + سطلين صغار (حقت اللياسة لونها أسود ) مركب الوافي 13% + سطلين صغار خبز + سطل صغير تمر
تعالوا نحسبها ونقارن ونعرف الفرق من الناحية المادية :
حالياً يكفيها بالشهر : 10 أكياس شعير + 5 مركب + 5 خبز + 5 تمر
سعر كيس الشعير : 39 ، والمركب : 41 ، الخبز : 10 ، التمر : 20
يعني : 390 ريال شعير + 205 ريال مركب + 50 ريال تمر + 100 ريال تمر = 745 ريال
سابقاً : 30 كيس شعير تكلفتها : 1170 ريال
يعني التوفير : 425 ريال تقريباً حول 35 % من الشعير ..
طيب الدعوه مب بالتوفير بس !! لكن لاحظت تغير الحلال من نواحي كثيرة ..
1. الحلال سمن و شعرته تغيرت ..
2. المواليد الشهر الماضي الحمد لله جروم و صحة عال العال والله حمانا من الرخاوة
3. الرغايث مع هالخلطة و البرسيم حليبها مشبع عيالها وزود وفيهن الحانية للفحل
'vdrm ltd]m shu]jkd td jrgdg lwhvdt hgpghg >> (kudl)
