تدري وش اللي يقتل الح ب بسكات
لاصرت في بوحك تحس بمذله
وتدري وش اللي يكسر الظهر حزات
لامن عطيت احساس ماهو محله
وتدري متى تستاهل الطعن مرات
لا من خطيت الدرب وانته تدله
لا تسال الغالي عن الجرح لا فات
نبش الكلام يزود الطين بله
طالع لمن حولك وتاخذ شهادات
مانلتها لو تدرس الدهر كله
ناس(ن) تجر من اسود الضيق ونات
وناس(ن) تقضيها وناسه وفله
هذاك شال هموم غيره ولا بات
وهذاك مايدري عن احساس خله
لا تقول حظي من عنا الوقت قد مات
قل مات حظ اللي عناه استحله
ولا ضاقت الدنيا وعلى الكيف ما جات
الصبر ياخلي دوى كل عله
