رحلة برية ( 5 ) .. [ أطباق خاصة بالكشتات ]
بسم الله الرحمن الرحيم
السلام عليكم ورحمة الله وبركاته
http://www.w6w.net/album/35/w6w_2005...97abc5f0fb.gif
أحلى طبق
للبر طعمه الخاص ونكهته المتميزة .. وبالتأكيد للأطباق هناك طعم آخر ..
http://www.w6w.net/album/35/w6w_2005...97abc5f0fb.gif
[ مشاعر حالمة ] : خبز الجمر ياحلوه حلوااااااااااه ، والشوي معروف طبعاً كل من طلع البر لازم يشوووووووي ويازين الشوي على الحطب والله شيييييييي .
http://www.w6w.net/album/35/w6w_2005...97abc5f0fb.gif
[ منصور الحربي ] : بالنسبة للاكل فأنا مكفوف اليد من قبل كل من ساهمت في إصابته بالضغط .. !! لكنني وبكل فخر أجيد صنع القهوة العربية أو الافرنجيه ( فهي أن صابت كانت عربيه وأن خابت تحولت أفرنجيه ) ..!!
http://www.w6w.net/album/35/w6w_2005...97abc5f0fb.gif
[ محمد مساهج ] : والله انا سويت لي طبق غريب عجيب ما اقدر اقول مكوناته لاسباب صحيه و الميزه اللي فيه انه ما ينوكل لان شكله يغني عن اكله و منها قالولي انت خلك علي التنظيف و السوالف بس الطبخ لاتقربله .
http://www.w6w.net/album/35/w6w_2005...97abc5f0fb.gif
[ فايز بن ماجد ] : يمدحون المندي أهم شي يحفر للدرام بس:كلوش: ولو فيه مجال كتبت الطريقة .
http://www.w6w.net/album/35/w6w_2005...97abc5f0fb.gif
...::: معلومة بسيطة لهواة الطبخ البري :::...
معلومه بسيطه تساعد في سرعه انضاج اللحم اثناء طبخه وهي تاخير الملح الى ان يقترب موعد النضوج لان الملح يكسب النسيج العضلي قوة وتماسك تسبب بطء عملية النضوج نسبيا .
http://www.w6w.net/album/35/w6w_2005...97366bb8ca.gif
[align=right] إذا نسيت الملح بالكشته ... وش الحل ؟ [/align]
الموية المخصصة للغسيل ـ يعني فيها ملوحة شوية ـ وإشعال النار عليها لحد ما تتبخر لدرجة 95 % .. بتلاحظون الماء صار لونه ـ أشهب ـ وطعمه مالح .. استخدموه بديل عن الملح .
http://www.w6w.net/album/35/w6w_2005...97366bb8ca.gif
...::: أطباق برية :::...
[align=right] قرص البر [/align]
المقادير : طحين + ماء ويكون دافي + قدر + سمن طبيعي أوزبدة + سكر على حسب الرغبه + سكين لتنظيف القرص من الجمر + خيشه او فرشه .
الطريقة: حط الطحين في قدر العجن وحط شوي ماء مع التحريك المستمر و العجن إذا بدأ يتماسك العجين وقف صب الماء واعجن حتى تشوف العجينه بدأت تتماسك وتنضبط ، خل العجينه تتخمر لمدة ربع إلى نصف ساعه .. شكل القرص على ماتبي على شرط مايكون القرص سميك والافضل يكون الحطب من حطب الرمث أو السمر أو الغضى .. وإذا جمرت النار وراح اللهب أبعد الجمر على جنب لكي تضع القرص مع وضع بعض الجمر تحت القرص .
http://www.l22l.com/l22l-up-1/77a0565ccc.png
ادفن القرص بالرمل الحار الى تحت الجمر وبعده حط الجمر فوقه حتى يظهر يحيط الرمل الحار فوق القرص من كل الجهات .. وفوق الرمل باقي الجمر ..
http://www.l22l.com/l22l-up-1/583164be84.png
بعد مايستوي القرص طلع القرص من المله وابدا بعملية التنظيف الخارجي وبعد ماينظف القرص تبدا بعملية الفرك والتقطيع قطع صغيرة
http://www.l22l.com/l22l-up-1/2b04ff64ba.png http://www.l22l.com/l22l-up-1/d86e25c4ef.png
بعد الفرك والتقطيع والتنظيف تقدر تضيف للقرص عسل وبصل مبشور حسب مزاجك ..
http://www.l22l.com/l22l-up-1/3cdc437883.png
http://www.w6w.net/album/35/w6w_2005...97366bb8ca.gif
[align=right] لحم مشوي [/align]
في البداية يتم تقطيع اللحم قطع صغير على مقاس الكف ..
http://www.l22l.com/l22l-up-1/2a0d4d53d9.png
ثم يوضع اللحم في صحن كبير عشان التمليح ويفضل انه يكون الملح زايد شوي ..
http://www.l22l.com/l22l-up-1/d62040ade6.png
طبعا من الضروري انه يطبخ على جمر زين وكثير ..
http://www.l22l.com/l22l-up-1/52844d0f76.png
ثم يوضع على الجمر ( المرخ ) .. يعني يفرش فرش .. { المرخ نبات ليس له اوراق غالبا يوجد في الشعبان قرب المدن } .. ويوضع عليه اللحم طبعا يراعى مقاس القدر في كمية الجمر والمرخ كما سيأتي :
http://www.l22l.com/l22l-up-1/91afa367dd.png http://www.l22l.com/l22l-up-1/ce9a3aca69.png
بعد ما يوضع اللحم على طبقة المرخ يغطى بطبقة اخرى من المرخ ولا مانع من وضع فوقها قطع اللحم اذا كان محيط الجمر صغير ..
http://www.l22l.com/l22l-up-1/e22e34011a.png http://www.l22l.com/l22l-up-1/eceb92e436.png
بعدما يرص اللحم جيدا تجيب الله لا يهينك قدر كبير على حسب قطر الجمر ثم تكبس القدر على اللحم والمرخ بأي شي ثقيل على شان ينكتم اكثر ولايطلع دخان المرخ .. بعدين تكون انت مجهز خياش فاضية مبللة مويه بس مو تبليل بالحيل وترصها حول القدر :
http://www.l22l.com/l22l-up-1/07f67f7f17.png
وبعدين تكون قدجهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع منها دخان , ويبيلك تحط فوق القدر بلكه او حصاه وتحط حولها جمر افضل ..
http://www.l22l.com/l22l-up-1/9a3c04a08e.png
بعد كذا ريح ودق سواليف مع ربعك واضرب من الشاهي لمدة ساعة ونصف الى ساعتين الا ربع يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشال و تخليها مطرفة بعيد عن اللحم .
http://www.l22l.com/l22l-up-1/5e49fa0eec.png
ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه ..
http://www.l22l.com/l22l-up-1/1e8aefaa83.png
الآن حياكم الله على عشاكم ..
http://www.l22l.com/l22l-up-1/278faa4e3e.png
وان شاء الله انها تعجبكم .
وعلى فكرة مو شرط انك تحط مرخ لو وجدت بشام تراه افضل واطعم خاصة اذا كان اخضر وجديد ....
http://www.w6w.net/album/35/w6w_2005...97366bb8ca.gif
* الأطباق منقولة كما هي بدون تعديل .. ولا عندي سالفة منها .. بس أكيد مضمونة 100 % .
الحمد لله .. وألحين تعالوا (( هُنا )) نشوف الليلة اللي ما تُنسى بالبر
