llllllllllllllllX توعية جمهور الاتحاد بما يخص مستوى جبسون الله يستر Xllllllllllllll

الكثير من جمهور الاتحاد من غير مايقصدون ومن حبهم الزائد قد يتسببو في تهبيط مستويات لاعبين الاتحاد كا عامة وخاصة الكثير من جمهور الاتحاد يبالغ في تشجيع احد الاعبين او ينفخ راسو بمقاطع ( يصنعو مقاطع خاصة للاعب ) اذا شفتها تقول ان هذا الاعب افضل من مسي ومحقق افضل لاعب في العالم 10 مرات ويقومو يرسلونها للاعب الين ما يتنفخ ويغتر ويحس ان حجمه اكبر من حجم الاتحاد ولا يلعب بشكل جيد داخل الملعب زي ماحدث مع سوزا اول كان يبغى يلعب من قلبو للأتحاد واول مبارة قدام الاتفاق كان حريقة بعدها حسسو ان حجمو اكبر من حجم الاتحاد ونفخو الين ما طار والله يستر لايكون الدور على جبسون او بونفيم او حيدر نعم نشجع لاعبيننا وندعم لاعبيننا لكن في حدود المعقول وحدود المعقول يعني نشجعو ونهتف بأسمو في الملعب وبس او فقط زمان كان الاعب الاجنبي يزدهر في الاتحاد لمدة 4 مواسم زي سيرجو ومحمد كالون وتشيكو عشان مافي وسيلة تواصل مع الاعبين الحين الاجنبي مايزدهر الا مبارة او ثلاث مع الاتحاد بسبب وسائل الاعلام الحديثة والمتوفر لكل شخص من ما يجعل المشجع مو يشجع الاعب بالينفخ رأس الاعب اللي يحبه زي المنطاد الين ما يطير وهناك فرق بين التشجيع والتنفيخ والمشجع مايكون يقصد التنفيخ


اتمنى ان ارى الجمهور يرسل مقاطع لجبسون وباقي المحترفين عن تاريخ الاتحاد يرسلون لجبسون مقاطع عن تأسيس الاتحاد وان الاتحاد اختير عضو ضمن اعرق اندية العالم وماقطع عن نهائيات اسيا اللي فاز فيها الاتحاد يرسلون مقاطع لجبسون عن كأس العالم اللي لعب فيه الاتحاد وعن مبارة الاتحاد وسوبالو اللي كان حفوز فيها الاتحاد لولا الحظ يرسلون لجبسون مبارة الاتحاد وريال مدريد اللي قدم فيها الاتحاد مستويات عملاقة عشان يقولو الاعب( نادي الاتحاد فريق كبير (واميتي) اني اخدم هذا الكيان واوصل كأس العالم عن بوابة هذا الكيان) ويحس الاعب بحجم نادي الاتحاد الحقيقي وانو يلعب لحساب احد اعرق اندية العالم وهذي مهمة الادارة الاتحادية في المقام الاول بتعرف اي لاعب محترف مستقبلا او حاضر بحجم وتاريخ نادي الاتحاد وايضا مهمة الجمهور المشجع واتمنى ان يهتف الجمهور في المدرجات لمحمد حيدر وبونفيم تحديدا اللي مقدم مستويات افضل من جبسون و يلقى هتافات اقل من جبسون يعني اعدلو في الهتافات بين الاعبين


انا اصغر من ان اوعي جمهور نادي الاتحاد لكن بكل صراحة لمن انا اشوف خطأ غير مقصود وقد يأثر بنسبه كبيره على نادي الاتحاد ما اقدر اسكت ولازم اتكلم ومصلحة الاتحاد العامة فوق الجميع وتحياتي وكل عام وانتم بخير .....