ملجت من شهرين بس مو متقبلة زوجي كلش مع انه مو مقصر معاي بشي

السلام عليكم بنات
ابيكم تساعدوني بليز او وحدة فاهمة بالزواج تشرحلي الوضع الي انا فيه ... صارلي شهرين تقريبا مالجة و الوضع الحين قاعدين نطلع مع بعض نتعشى و سينما واروح بيتهم وايي بيتنا عادي و نجهز اثاث الشقة و بعد شهر بنسافر بعدين استقبال ..

المشكلة او الشي اللي مكهرب الوضع انه بعد اسبوع من الملجة حاول يبدي يقربلي يبوس و استأذن لما سألني قالي (تسمحلي ؟ )افتشلت شوي على عصبت من داخلي لان اللي اعرفه لازم من نفسه يبدي يبوس وهالشغلات مو عدله انه سألني فشلني قتله خلنا نتعشى بعدين يصير خير مادري ليش كشيت منه و لاعت جبدي ،، يعني حلاته هالامور تصير عفوية مو جنه درس و بجمود مادري شلون اوصل له انه هالحركة مكهربة الوضع اكثر !؟اهوا مافيه شي بس انا مادري ليش مو متقبلته قتله مابي شي يصير الحين انطر لما نسافر المهم صار شد بسيط بالكلام لما اخر شي اقتنع قال انطر شهر على ما نسافر ،، الحمدلله مو مضايقني بكلمة ومتفهم دايما بس انا مو قادرة احبه ولا اندمج معاه بالسوالف حتى ،،والله تيللي ايام استملقه شوي مادري شالسبب ومو متخيلة ليلتي معاه كل ما اتخيل تلوع جبدي خايفة اظل جذي علئ هالحالة طول ما احنا متزوجين

تكفون قولولي اي شي يهون علي مابي اظل معاه طول عمري جذي
هل وضعي طبيعي عشان اول ايام ؟ واللي مرت بتجربتي ياليت تقولي شسوت؟