[أخـرى] يالربع معزاي بدات تولد والصخال حجمها صغير مرره كانها قطاوه وش السبب ؟
اغنام - ابل - دواجن - طيور
السلام عليكم
اخواني الاعزاء ابي مشورتكم
عندي معزا دفيع بدة تولد والمشكله
ولدة وحده قبل امس العصر وجابت 2 لكن حجمهم
صغير مررره لدرجه كانهم ( قطاوه )
واحد مات على طول والثاني مايتحرك الا راسه
وخذيته في كرتون عندي وصرت اعطيه حليب
نيدو شوي شوي لان امه تهج ماتمسك الا بصعوبه
وصراحه انا غير متفائل بحياة التيس لصغر حجمه
وفالليل بدا يوقف شوي شوي
ويوم جاء الصباح عطيته حليب وشوي
وبعدها جاه اسهال وتردت حالته ومات
وبعدها بيومين ولدة عنز ثانيه العصر وجابت تيس صغير ايضا حاله طيب لكن فيه رخاوه
في رجوله فقط مايقدر يمشي عليها وحده تروح يمين والثانيه يسار اما ايديه يمشي ويروح لكن يسحب رجوله واذا وقفته وقف واي حركه يطيح واذا حاول يقوم تفرقت من جديد
جلس على حاله من العصر الى العصر اليوم الثاني اللي هو اليوم هذا
فما ادري وش المشكله هل هي مسبقات فالولاده
علما ان المعزا تولد من غير مايبين عليها
كبر بطن ولانزول ديد
لكن صخالها تجي بشكل طبيعي وبكامل شعرها
لكن حجمها صغير مره
ام السبب من طعامي لها لاني اطعمها
من يوم دفعت ( برودس وشعير ) وسمعت بعض الناس تقول الرودس ( يصعد بالغنم )
فهل هذا صحيح ؟؟
والبعض يقول لا الرودس مافيه مشكله
لكن السبب من التيس الفحل صخاله تجي صغار
ويطالبوني بييعه ؟؟
علما المعزا الباقيه قريبه تولد وما ادري كيف صحتها وحجم صخالها
علما اني غيرت طعامها من اسبوع ( ببرسيم ) بدال الرودس
ابي مشورتكم ونصايحكم وتجاربكم
dhgvfu lu.hd f]hj j,g] ,hgwohg p[lih wydv lvvi ;hkih r'h,i ,a hgsff ?
