انا..والبيك .. وحسبي الله على المصري
مسلخير لكم كل ابوكم ورحمة الله وبركاته
العلم سلامتكم : اختي حنين عازمتني عندكم يعني احد يقولي وش جابك ولا وش عندك باتوطا في بطنه
اما من ناحية وش عندي فماعندي الا الدجة وابي اقولكم وش صار معي مع مسحب البيك 10 قطع حراق مع الكولا
لان السوالف اللي براصي شبه منتهية <<<< يعنني عندي راس :biggrin:
اما بعدين:
ذات صيفيه ..طلعت انا ومن معي الى جده .. هم راعين سعة صدر وانا ودي اجرب البيك الي اسمع به ولا اكلته.. وكل ما جابوا طاريه اغدي كني هذا من شهوتن فيني
طول الطريق وانا مانيب معهم بالجو .. ماغير افكر وش بسوي اذا وصلت البيك ووش ابطلب منه .. ناهيكم عن كيفية التفكير بدورات المياه عشان فيني اصوات في بطني وكل شوي ناشب لهم وقفوا وقفوا
دخلنا الطايف وخطم واحد من العيال خطمه .. لو كان معي ار بي جي كان فجرته الا هو متناثر وجمعته ثانيه عشان انثره زي الاولى
الله يصلحه يبي يتعشى في اطايب .. شوي الا وانا ماسكه مع ياقته واسحبه يمين ويسار زي ما يسوي ابراهيم الصلال ليوسف الجراح في مسلسل ابو رويشد واقوله كل تبن .. تبي تاكل في البيك غصب عن ورى خشمك
المهم غصبت العيال انهم يروحون البيك .. وفعلا دخلت البيك وانا مستغرب شكله .. لأني كنت متوقعه من طقة المطاعم الفخمه الي ما يدخل احد الا وهو مسكر ياقاته ولابس الطاقيه زين ومنظف خشمه عشان لا يحوم تسبود الزباين
نصيت الكاشير وانا ما ادري وش اطلب لي .. العيال استغلوا طيبتي وبياض قلبي وراحوا مطعم ثاني وما علموني وش الزين فيه .. شوي الا وتولع فوق راسي لمبه صفرا زي حقة العصفور الاصفر تويتي
قلت للكاشير وبكل ذهانه .. ياخي انا طول عمري عايش في امريكا واسمع عن مطعمكم ذا .. وش عندك زين ؟؟
شوي الا يقولي حضرتك بتتكلم انقليزي ؟؟
قلت له وانا رافع راسي وراز صدر Congratulation << على اساس ما يبي لها كلام :biggrin:
المهم الرجال صار ملعون خير وقام يفت انقليزي وانا فاق كشرتي سعابيلي تقوطر واقول لنفسي يا والله البلشه .. يا لعنبوك يا انور السادات يومك تعلمهم انقليزي <----< على فكرة سمعت ان انور السادات مات للي يبي يعزي
حاولت اجمع افكاري بعد ان تيقنت اني زلابه ومالي حل الا اني اخش في عينه
طحت على ركبي وجلست اصيح واقوله يرحم والديك يابو مصير اطلب لي اي شي زين .. الله يرحم والديك انت وصنان اباطك الي لو يدرون عنه المكافحه كان داهموك وانت على كاشيرك :icon_frow
قفلت اخلاق المصري من سماجة ذبتي على ابطه ((وان جينا للجد ما ينلام هذي لو بتجي المكافحه كان لعنوا خيري عليها )) ومد لي ظهر يده وهو يقول ما يصحش ياحاق :icon_frow .. لاءه لاءه ..ما يصحش حطرتك.. سيب ايدي .. والله منتا بايس
وانا اناظره بكل ثواره وعرفت ان ذا المصري بيذلني .. الله يا الدنيا يوم كنا نصف وراهم عند المقاصف جاي يذلني الحين << ياشين الي يكتب ويهنق مخه بالنص وماله الا يعلق على نقطه الي تعتبر هي افضل انجاز في حياته
قمت على حيلي وقلت له خلاص انتهى وقت المزح .. اطلب لي احسن شي عندكم .. قالي بشين نفس عندنا مسحب كويس تبيه ولا لا
قلت له دامه كويس عطني اثنين اجل
ووالله وهو الي يسنعني ويجيب لي الطلب عندي
ما صدقت على الله جاني ذا الا وانا باغي آكل القصدير حقه من الجوع .. الي اذكره اني ذبيت الصحن فوق وطمرت وراه وسويت نفس حركة كبمارو يوم يذب الشومن ويدخل الخشب الي ياكلون فيه بخشمه من الجوع
اكلت الوجبتين وخلصت منها وجا وقت الزقاره .. وما امداني اقوم الا واحس ان سري جاه مصع ما ادري ليه .. عجزت اصلب نفسي صرت كني راكع
المصري حق الكاشير يحسبني برجع له الي اكلته بس على شكل مائي قام يسحبني لدورات المياه وانتم بكرامه عشان اخذ راحتي
دخلت الدوره وحست ام الدنيا هناك .. الله ياخذهم عليهم شطافات تجيب الهم
وما امداني اطلع منها الا وتجيني نفس الحاله واصوات في بطني والمشكله ما يمديني اركض اخاف يصير شي لا يحمد عقباه
وانا الي اتكي تكيه بالدوره الين جاني المصري يقول يا باشا احنا اأفلنا وانا مزلب ام امه كل همي ان السيفون يمتلي ماء قبل ما يجي الاعصار ويرجع يقولي يجرني من ياقتي ويقولي يالله برا يا ابتاع امريكا يالله .. بص عنك الكورنيش كمل مشوراك هناك اعرف لك سمك بيحب نكهة المسحب
طلعت برا المحل وانا ياالله امشي .. وما امداني اطلع الا والعيال ساحبيني مع شعري وكل واحد وده يرثع في بطني .. وانا ودي اشرح لهم الي صار بس خايف من الي بيجيني
وجلسوا العيال يدورون شقه وكل عماره تكرشنا وانا في موقف لا احسد عليه
لقينا شقه .. نمت الليله الاولى بالبانيو عشا اذا احتجت شي ولا شي الا انا قريب .. كرهت ام الساعه الي اكلت فيها من البيك .. مير الله يخلي مضغوط حراء
ما يستنتج من القصه
ولا شي الا الله يكفيكم شر الفضوه ووجع البطن
