السلام عليكم ورحمة الله وبركاته
موضوعي اليوم بما إنه عن القهوه اللي أعشقها خليت لون الكتابه بلونها
سبب إختياري لإسم الموضوع
ان مافي بيت بدو يخلا من هالقهوه العربيه الأصيله سواء في المناسبات او سائر الأيام
عكس باقي العوائل اللي تكون لهم هاذي القهوه عادة بالعيد فقط او المناسبات
وانا هالقهوه مدمنه عليها بشكل فضيع
وحتى من غير القدوع احبها يعني مو لازم احط قدوع عشان استمتع فيها
احب ريحتها لما تفوح في البيت احس بدفا وفخر
لحد يضحك على كلامي بس هذا الصج
وحتى لو كان عندنا ظيوف اشوفهم بس يشمشمون ريحة القهوه ويقولون الله شهالريحه
عندي رفيجي عتيبيه ربي يحفظها تحدتني بالقهوه اللي تسويها واستخفيت من حلاتها
ومره هم وحده رشيديه سوت لي قهوه وكانت حلوه بعد
ولاحظت ان كل بيت يتميز بسر قهوته وكيفية تميزها وصنعها
جربت قبل احط شوية كرنيشن مع القهوه بس في الغالب احبها بدون كرنيشن واحب ريحة الهيل تكون طاغيه على المسمار
خواتي الغاليات
كل وحده تقول لنا شلون تميز قهوتها ومن وين تاخذها
وهل تحمسها بالاول وله تخلي الماي يغلي ومن عقب تحط القهوه
لان انا اسويها بكذا طريقه
ودمتم سالمين:nbptr:
