عضو في الرابطة اسمه محمد العوفي ..للأسف

موضوعي هوّا أني جاتني فرصة أطلع من الجنوب لجدة وأحضر مباراة الديربي ..
قبل لا أطلع كنت هامّ أني ما أقدر اروح لمكة بلموزين او مااشابه لأن مكة
تنتظر الحجّاج من الداخل والخارج هاالأيام وقد لا أستطيع الدخول في
هذه الأيام المباركة خاصة أنني أريد الدخول لمشاهدة المباراة..
قبل لا اطلع إتصلت على الأخ بدر تركستاني وشرحت له الوضع وكان رائع ومتفاهم معايا وقال اذا انتا لوحدك عادي تروح مع الرابطة.. بس جيب هويّتك
ع الإتصال هذا طلعت وأنا مطّمن ووصلت جدة الصباح ورحت للنادي الظهر قبل لاتجي الباصات ..كلّمت بدر لما وصلت للنادي ..قال لي روح تغدّى وارجع وفعلا رحت ورجعت ولسّة ماجات الباصات وتخيّلوا هذا الظهر ..كلّمت بدر برضو وقلت له خايف انتظر ما أحصّل ..قاللي ماعليك حتى لو ماحصّلت أنا أرسل لك واحد يجيبك للملعب..وكان رائع في كلامه وتواصله معاي..وسعدت لأسلوبه الرائع خاصة أنه نائب رئيس الرابطة
إلاّ احزنّي كثير لما جيت باطلع الباص وهيّا كانت اثنين اللي موجودة أتكلم مع أحد أعضاء الرابطة وهو مطنّش ويقول قروشتني ومادري ايش ..خاصة أني شرحت له وضعي وأني طلعت من الجنوب عشان المباراة..وبيّنت له أنه لازم أحضر بعد هالتعب..وللأمانة لما كنت أكلمه وهوا نافخ وكأن الباص ملكه ..اتصل عليه بدر وشرح له وضعي ..تخيّلوا بعد المكالمة..صار ينافخ أكثر ويقول إيش تهدّدني ببدر ..قلت له لا بس أنا متواصل معاه قبل لا أطلع..حلف عليّا أني ما أطلع.. وبالقوة طلعت الباص الثاني مع الزحمة وما أستبعد أنه لو شافني ممكن ينزّلني..هالشخص حسب ماسمعت اسمه محمد العوفي و بصراحة قهر يكونوا مثل هالعيّنات من ضمن الرابطة..

ممكن البعض يشوف اني مبالغ وزي كذا ولكن هذا كلام بصدري حبيت انّزّله بالمنتدى .. وبصراحة مع هالأشكال ما ألوم الجمهور انه مايحضر ويجلس في بيته أريحله..لا طريقة ولا أسلوب ولا إحترام ولا تقدير..كنت في الملعب وكلامه يدور في راسي ..خلاّني أندم أني طلعت..