ضاقت بي الدنيا وانا وسط قومي
[poem=font="Simplified Arabic,7,purple,bold,italic" bkcolor="transparent" bkimage="" border="double,4,purple" type=2 line=0 align=center use=ex num="0,black"]
يابو فهد عمري كلته الهمومي=هم الفراق وقطع حبل المواصيل
ضاقت بي الدنيا وانا وسط قومي=وبديت اعاني من كبار الغرابيل
مرن علي عامين برد وسمومي=ما اغير اردد نايحات المواويل
ملت مني يا خوك حتى هدومي=وعشقت عيوني مترفات المناديل
ليلي تبدل صار نسخه ليومي=لا مالكن حيله ولا في يدي حيل
لو نمت لحظه قومتني حلومي=ما غير انزنز وارتعد كني خبيل
وصفي كما طفلن غرير مفطومي=يبكي رضاع امه وانا ابكي من الويل
ايست من فزعات قلبن رحومي=ساعة ذكرتك قلت فيها تساهيل
نخيت ناس ولا لفتني علومي=وانته قبل مانخاك شعللت قنديل
يا قمة الغالين يابن القرومي=يا مزبن المضيوم يا نقوة الجيل
نا خيك تبعدني عن ابغض خصومي=الياس والحيره وقهر الرجاجيل
نصيت اجأ وش حاجتي با الحزومي=نصيت حلال الصعيبات حلحيل
يابو علي ما قد خفنك سلومي=عصامين من خلقتي وانطح الشيل
من يعرف اسباب الوجع ما يلومي=وانته تعرف المسأله دون تفصيل
يا خوك صرت من الحنان محرومي=والصبح عندي غطته عتمة الليل
عقب المعزه صرت شبه معدومي=من لذة القمراء ومن بهجة سهيل
ما غير افكر با المعاليق تومي=لا طاح قلبي وين يلقون تبديل
في كل يوم اذبل وتبرد عزومي=ولا عاد صرت احرص على دلة الهيل
مالي بدنيا الذل شف ولزومي=من عقب ما راحوا هل السيف والخيل
اموت واقف هامتي للنجومي=مثل الشجر لا من فقد رحمة السيل[/poem]
