مجامله تعصف بالفريق ..... !!

فريق من الجولة ماشي برتم ممتاز عابه فقط أداءه الدفاعي
سامي لعب بأسلوب وخطة وحدة من المعسكر حتى مباراة اليوم

صادف مباراة اليوم رجعة ياسر القحطاني. وسبحان الله بعودة ياسر تحولت تشكيلة الهلال من 4-5-1 اللي هي ثبت انها الأنسب للهلال في العشر سنوات الأخيرة الى 4-4-2

كلنا شفنا ان 4-5-1 هي الأفضل بمهاجم واحد ودعم قوي ومتنوع من خط الوسط والأطراف

برجعة الهلال لـ 4-4-2 حصلت عدة أمور خلت الفريق يلعب بعشوائية:

o نيفيز ابتعد عن مكانه الطبيعي وهو خلف المهاجم واصبح يلعب للخلف بقيود تكتيكيه وأدوار دفاعية أكثر
o اووه ياسر مشكلة يكون بديل ثاني!! بس برضو ما أقدر أخليه ينزل قبل السالم اللي ما أخذ فرصته وهو بديلي الأول.. رح أزعل الأثنين كذا.. اوووه وبعد جمهور ياسر وياسر نفسه يزعل... وش الحل.. لقيتها.. العب بمهاجمين.. واخلي ياسر بديل أول..
o عشان لاعب واحد انكسر رتم تعود عليه 11 لاعب اساسي
o انا ما اتكلم عن مستوى ياسر لكن هالتغييرات في التشكيلة عشان ياسر شي غير مقبول..
o الشلهوب على أي أساس يرجع أساسي في ظل تألق النجوم الصغار (نواف، ع.الدوسري)؟
o يا سامي صحيح رفعت من معنويات ياسر والشلهوب.. لكن تأكد أن فيه لاعبين يتأثرون نفسيا من اللي يحصل أولهم السالم والعابد والدوسري وحتى الشمراني اللي راح للأطراف بنزول ياسر
o اللي صار باختصار سبب ازدواجية في ادوار اللاعبين يتحمل مسؤوليتها سامي اللي جامل قائد فريقه
- سامي ضرب حساب لياسر وجمهور ياسر على حساب انسجام الفريق.. والنتيجة اللي شفناه!
وبخسارة الفريق صدقني يا سامي حتى جمهور القطحاني مارح يوقف معك..

لو انك شايل هالحسابات من راسك ومركز على استقرار الفريق بتشكيلة واضحة وتكتيك انت عودت فريقك عليه من اول المعسكر
صدقني النتايج الايجابي رح تخفي كل أصوات النشاز حتى لو كانت عالية

- ثلاث نقاط تفرق كثير في آخر المشوار.. ومن قدام الرائد! قهر والله قهر

فترة توقف، الله المستعان..